प्रचण्डलाई भेट्न प्रधानमन्त्री ओली पुगे खुमलटार

राजनीति

गृहपृष्ठ
राजनीति
प्रचण्डलाई भेट्न प्रधानमन्त्री ओली पुगे खुमलटार

प्रचण्डलाई भेट्न प्रधानमन्त्री ओली पुगे खुमलटार

शनिबार, पुस ४, २०७७ बागेश्वरी पोस्ट

फाइल फोटो

काठमाडौं। प्रधानमन्त्री तथा नेकपा अध्यक्ष केपी शर्मा ओली पार्टीका कार्यकारी अध्यक्ष पुष्पकमल दाहाल प्रचण्डलाई भेट्न शनिबार बिहान खुमलटार पुगेका छन् । प्रधानमन्त्री ओली आउने भएपछि खुमलटार क्षेत्रमा विहानैदेखि सुरक्षाकर्मी परिचालन गरिएको थियो । दाहाल नेपाल समूहले शुक्रबार मात्रै प्रदेश १ को भेला गरेर पार्टी विभाजन हुनसक्ने संभावना रहेको बताएपछि ओली शनिवार विहान प्रचण्ड निवास खुमलटार पुगेका हुन् । शुक्रबार साँझ मात्रै पनि ओली र प्रचण्डबीच भेटघाट भएको थियो । प्रचण्ड र माधव नेपालले कांग्रेसका बरिष्ठ नेता रामचन्द्र पौडेलसँग भेटेर प्रधानमन्त्री केपी ओलीसँगको शंकास्पद सम्बन्धमा रहेका सभापति शेर बहादुर देउवालाई नियन्त्रण गर्न आग्रह गरेकै बेला ओली खुमलटार पुगेका हुन् । पार्टीमा आन्तरिक विवाद चर्केर उच्च तहमा रहेका बेला ओली दाहाललाई भेट्न खुमलटार जान लागेकोलाई अर्थपूर्ण रुपमा हेरिएको छ । प्रधानमन्त्रीमा निर्वाचित भएपछि पहिलो पटक ओली दाहाललाई भेट्न उनकै निवासमा गएका हुन् । यसअघि उनी वामदेव गौतमलाई भेट्न खुमलटार पुगेका थिए । तीन बर्षअघी कसिएको तत्कालिन एमाले र माओवादीको गाँठो फुस्कनेतर्फ अघी बढेपछि ओली यसलाई कसिलो बनाउन लागिपरेको रुपमा पनि कतिपयले टिप्पणी गरेका छन् । कतिपयले भने विवाहपंचमीकै साइत पारेर ओलीको यो प्रयासलाई लगनगाँठो कसिलो बनाउने प्रयासका रुपमा पनि टिप्पणी गरेका छन् ।

प्रकाशित मिति: शनिबार, पुस ४, २०७७ ११:३६

प्रतिक्रिया दिनुहोस्