प्रधानमन्त्रीद्वारा संसद विघटन गर्न सिफारिस

राजनीति

गृहपृष्ठ
राजनीति
प्रधानमन्त्रीद्वारा संसद विघटन गर्न सिफारिस

प्रधानमन्त्रीद्वारा संसद विघटन गर्न सिफारिस

आइतबार, पुस ५, २०७७ बागेश्वरी पोस्ट

काठमाडौँ । प्रधानमन्त्री केपी शर्मा ओलीले प्रतिनिधिसभा भंग गर्न राष्ट्रपति समक्ष सिफारिस गरेका छन् ।आइतबार विहान मन्त्रिपरिषद्को आकस्मिक बैठक राखेर उनले यो सिफारिस गरेका हुन् । उक्त सिफारिस राष्ट्रपति कार्यालय लगिँदै छ ।

यसअघि शनिबार पार्टीभित्र विवाद कायमै रहेका वेला प्रधानमन्त्री ओलीले पार्टीका कार्यकारी अध्यक्ष पुष्प कमल दाहाल 'प्रचण्ड' लाई भेट्न उनको निजी निवास खुमलटार पुएगेका थिए। त्यसलगत्तै उनले राष्ट्रपति भेट्न शीतलनिवास पुगेका थिए । राष्ट्रपतिसँगको भेटमा ओलीले संसद् विघटन र मध्यावधी निर्वाचनमा जान सकिनेबारे छलफल गरेका थिए ।

यसअघि मन्त्रीहरुलाई समेत जानकारी नदिई सरकारले मंगलबार संवैधानिक परिषद्सम्बन्धी अध्यादेश जारी गरेको थियो । तर, नेकपाको बुधबारको स्थायी कमिटी बैठकले अध्यादेश फिर्ता लिने निर्णय गरेको थियो ।

प्रधानमन्त्री ओली अध्यादेश फिर्ता लिन सहमत भएपछि संसद्को विशेष अधिवेशन माग गर्न राष्ट्रपति कार्यालय शीतल निवास पुगेका नेकपा सांसदहरु निवेदन दर्ता नगरी फिर्ता भएका थिए ।

प्रकाशित मिति: आइतबार, पुस ५, २०७७ ११:४८

प्रतिक्रिया दिनुहोस्