युनियन लाइफ इन्स्योरेन्सको एमडीआरटी सम्मान

समाचार

गृहपृष्ठ
समाचार
युनियन लाइफ इन्स्योरेन्सको एमडीआरटी सम्मान

युनियन लाइफ इन्स्योरेन्सको एमडीआरटी सम्मान

आइतबार, पुस ५, २०७७ बागेश्वरी पोस्ट

नेपालगञ्ज । युनियन लाइफ इन्स्योरेन्स कम्पनीले प्रदेश ६ स्तरीय एमडीआरटी सम्मान कार्यक्रम नेपालगन्जमा सम्पन्न गरेको छ । युनियन आवद्ध उत्कृष्ट विमा अभिकर्ता, कर्मचारी र एजेन्सी म्यानेजर सहभागी कार्यक्रममा प्रदेश ६ बाट सीओटी हुन सफल ३ जनासहित १३ जनालाई उहाँहरुकै नाममा बनाइएको मेडलसहित सम्मान गरिएको थियो । कार्यक्रमका प्रमुख अतिथि कम्पनीका प्रमुख कार्यकारी अधिकृत मनोज कुमार कर्णको विशेष उपस्थिती बीच प्रदेश नम्बर ६ अन्तर्गत् तीन जना सीओटी बिमल ढकाल, माधवराज अधिकारी र भुपेन्द्र प्रसाद काफ्लेसहित १० जना एमडीआरटी सदस्यहरुको एकै साथ उहाँहरुको नाममा बनाइएको केक काटी सम्मान गरिएको थियो । सम्मान समारोहमा बोल्दै कम्पनीका प्रमुख कार्यकारी अधिकृत कर्णले जीवन वीमा जीउधनको सुरक्षा गर्ने पुण्य काम भएको भन्दै युनियनलाई देशकै नम्बर १ कम्पनी बनाउने प्रतिवद्धता व्यक्त गर्नुभयो । बर्ष सकिनै लाग्दा प्रदेश ६ अन्तर्गत् २० जना एमडीआरटी सदस्य बनिसकेको कम्पनीका प्रदेश प्रमुख नारायण पंगेनीले जानकारी दिनुभयो । गत बर्ष कम्पनीका जम्मा तीन जना सीओटी भएकोमा यसपाली प्रदेश ६ बाट मात्रै तीन जना सीओटी बनिसकेको पनि प्रदेश ६ प्रमुख पंगेनीले जनाउनुभयो ।

प्रकाशित मिति: आइतबार, पुस ५, २०७७ १६:५५

प्रतिक्रिया दिनुहोस्