प्रधानमन्त्री ओलीविरुद्ध बाँकेमा प्रदर्शन

राजनीति

गृहपृष्ठ
राजनीति
प्रधानमन्त्री ओलीविरुद्ध बाँकेमा प्रदर्शन

प्रधानमन्त्री ओलीविरुद्ध बाँकेमा प्रदर्शन

आइतबार, पुस ५, २०७७ बागेश्वरी पोस्ट

कोहलपुर । प्रधानमन्त्री केपी शर्मा ओलीले सांसद विघटन गरेको भन्दै बाँकेको कोहलपुरमा बिरोध प्रदर्शन भएको छ। अनेरास्ववियूको नेतृत्वमा नेकपाका नेता कार्यकर्ताहरुले आइतबार कोहलपुरमा प्रदर्शन गरेका हुन ।

अनेरास्ववियूका केन्द्रीय सदस्य राजेन्द्र विष्टले प्रधानमन्त्री ओलीको तानाशाही प्रवृत्तिले लोकतन्त्रको हरण र संविधानको धज्जी उडाएको बताए । संसद विघटनको प्रस्ताव तत्काल फिर्ता नलिए देशभर आन्दोलनको राँको बाल्ने चेतावनी दिदैं विष्ठले प्रधानमन्त्रीबाट भएको कु को बिरोधमा उत्रन सबैलाई आह्वान समेत गरे ।

कार्यक्रममा नेकपाको प्रदेश र जिल्ला तहको नेतृत्वमा रहेका नेता कार्यकर्ताको बाक्लो उपस्थिती रहेको थियो । कोहलपुरको न्यूरोड चोकमा आयोजना गरीएको विरोध प्रदर्शनमा प्रधानमन्त्री केपी ओलीको तस्बिर समेत जलाईएको थियो ।

प्रकाशित मिति: आइतबार, पुस ५, २०७७ १९:४०

प्रतिक्रिया दिनुहोस्