संसद विघटनविरूद्ध जसपा बाँकेले सुरु गर्यो विरोध प्रदर्शन

राजनीति

गृहपृष्ठ
राजनीति
संसद विघटनविरूद्ध जसपा बाँकेले सुरु गर्यो विरोध प्रदर्शन

संसद विघटनविरूद्ध जसपा बाँकेले सुरु गर्यो विरोध प्रदर्शन

बुधबार, पुस ८, २०७७ बागेश्वरी पोस्ट

नेपालगन्ज । जनता समाजवादी पार्टी जसपा बाँकेले संसद विघटनको विरोधमा नेपालगन्जमा प्रदर्शन गरेको छ । केपी सरकारको विरुद्धमा जुलुश गरेको जसपाका नेता तथा कार्यकर्ताहरुले असंवैधानिक कदम सच्याउन माग गरेका छन्। मंगल प्रसाद माध्यमिक विद्यालयबाट निस्केको जुलुस नाराबाजी गर्दै त्रिभुवनचोक हुँदै बिपि चौकमा पुगि कोण सभा गरेको थियो । कोणसभालाई सम्बोधन गर्दै पूर्व सहरी विकास मन्त्री मो. ईस्तियाक राइले अदालतले निर्णय सत्याउनु पर्ने बताए । ‘देशलाई दुर्घटनाबाट बचाउन अहिलेको अलोकतान्त्रिक र असंवैधानिक निर्णय सच्याउनु पर्दछ, अदालतले निर्णय नसच्याएको अवस्थामा हामी सबैले सडकबाट निर्णय सच्याउँछौं ।’ पूर्व सहरी विकास सहरी विकास मन्त्री राईले भने । उनले भने ‘राजनीतिक रूपमा अत्यन्तै लोकतन्त्र विरोधी कदम चालेको ठहरिन्छ’, राईले भने। ‘पार्टीभित्र पनि पार्टी निर्णय र पद्धतिविरुद्ध कम्युनिस्ट पार्टीको मान्यताको विरुद्धमा उहाँ सर्वसत्तावादी ढंगले चल्नुभएको छ, उहाँको कदम अत्यन्तै निन्दनीय छ ।’ ओलीको कदम राजनीतिक परिवर्तनलाई पछाडि धकेल्ने निर्णय भएको बताए । उहाँले संबिधान विघटन गर्ने प्रधानमन्त्रीलाई कुनै अधिकार नभएको भन्दै उहाँले आक्रोस पोख्नुभयो । संबिधानले स्पष्ट दुई तिहाइको सरकारले संबिधान विघटन गर्न नपाउने उल्लेख गरेकाले प्रधानमन्त्रीले संबिधान विरोधी हर्कत गरेको आरोप समेत लगाउनुभयो । जिल्ला नेता कमरुद्दिन राइले संबिधानमाथि प्रहार गर्ने यो खेलविरुद्ध एक भएर आन्दोलन गरिने चेतावनी दिनुभयो । संघीयता र गणतन्त्रलाई धरासायी पार्ने काम कसैबाट हुन नहुने भन्दै त्यसो गरिए फेरी सशक्त आन्दोलन गरिने नेता राईको भनाइ थियो । नेपालगञ्जमा सम्पन्न गरिएको कोण सभामा नेता कमरुद्दीन राई, समसुलहक राई,अम्बिका काफ्ले, हिक्मत विक, श्रवण कुमार यादव, बेबि तबस्सुम, रमारानी वैश्य, लगायत नेता तथा कार्यकर्ताहरुले सरकारको गलत निर्णयलाई सच्याउनुपर्ने बताएका थिए । यसैगरी, जनता समाजवादी पार्टी नेपालले ७७ वटै जिल्ला सदरमुकामहरूमा आज बुधबार प्रदर्शन गरेको छ। प्रधानमन्त्री केपी शर्मा ओलीले प्रतिनिधिसभा संसद विघटन गरेको विरोधमा जसपाले ७७ वटै जिल्लामा प्रदर्शनसहित कोणसभा गरेको छ । जसपाले पुस १२ गतेसम्म विभिन्न कार्यक्रम गरी प्रधानमन्त्री ओलीको कदमविरूद्ध आन्दोलन जारी राख्ने जसपा नेता कमरुद्दीन राईले बताए ।

प्रकाशित मिति: बुधबार, पुस ८, २०७७ १८:५३

प्रतिक्रिया दिनुहोस्