नेकपाको प्रचण्ड-नेपाल समूहले पुष १४ गते देशव्यापी आन्दोलन गर्ने

राजनीति

गृहपृष्ठ
राजनीति
नेकपाको प्रचण्ड-नेपाल समूहले पुष १४ गते देशव्यापी आन्दोलन गर्ने

नेकपाको प्रचण्ड-नेपाल समूहले पुष १४ गते देशव्यापी आन्दोलन गर्ने

बिहीबार, पुस ९, २०७७ बागेश्वरी पोस्ट

नेपालगञ्ज । प्रचण्ड-नेपाल समूहको नेपाल कम्युनिष्ट पार्टी (नेकपा) ले प्रतिनिधिसभा विघटनविरुद्ध पुष १४ गते देशव्यापी आन्दोलन गर्ने भएको छ ।

आज बसेको केन्द्रिय कमिटीको तेस्रो बैठकले प्रवक्ता नाराणकाजी श्रेष्ठको संयोजकत्वमा २५०१ सदस्यीय आन्दोलन परिचालन समिति समेत बनाएको छ । यो समूहले भोलिदेखि नै आन्दोलन थाल्नेछ । नेकपा केन्द्रिय सदस्य निरज आचार्यका अनुसार १४ पुषमा काठमाण्डौ उपत्यकासहित देशव्यापीरूपमा प्रदर्शन गर्ने निर्णय भएको हो । त्यसअघि ११ पुषमा सबै प्रदेश कमिटीको बैठक सम्बन्धित प्रदेशमा बस्नेछ ।

१२ पुषमा ७७ वटै जिल्लामा भेला आयोजना गरिनेछ भने सोही दिन वर्तमान अवस्था र कार्यभारका विषयमा प्रशिक्षण सञ्चालन गरिनेछ । यस्तै भोलि शुक्रबार बिहान साढे ९ बजे माइतीघर मण्डलामा सबै केन्द्रिय सदस्य जम्मा भएर १० बजे संयुक्त पत्रसहित निर्वाचन आयोग जाने तय भएको छ। भोलि नै २ बजे पत्रकार सम्मेलन समेत गरिनेछ ।

२० पुषसम्म सबै नगर र गाउँ कमिटीका बैठक र भेला गर्ने तथा २५ पुससम्म सबै वडाहरूमा बैठक र भेला गर्ने दाहाल–नेपाल समूहको निर्णय छ।

प्रकाशित मिति: बिहीबार, पुस ९, २०७७ १५:५४

प्रतिक्रिया दिनुहोस्