बागमती प्रदेशमा सरकार बनाउन के कांग्रेस निर्णायक बन्ला?

राजनीति

गृहपृष्ठ
राजनीति
बागमती प्रदेशमा सरकार बनाउन के कांग्रेस निर्णायक बन्ला?

बागमती प्रदेशमा सरकार बनाउन के कांग्रेस निर्णायक बन्ला?

शुक्रबार, पुस १०, २०७७ बागेश्वरी पोस्ट

काठमाडौं । बागमती प्रदेशका मुख्यमन्त्री डोरमणी पौडेलविरुद्ध अविश्वासको प्रस्ताव दर्ता भएसँगै नयाँ समीकरणबारे चर्चा सुरु भएको छ ।

प्रधानमन्त्री केपी शर्मा ओली र पुष्पकमल दाहाल प्रचण्ड– माधबकुमार नेपाल पक्षको पार्टी भित्रको आन्तरिक द्वन्दले बागमती प्रदेश सरकार समेत संकटमा परेको हो । मुख्यमन्त्री पौडेल बिरुद्ध अविश्वासको प्रस्ताव अघि बढेसँगै बागमती प्रदेश सरकारमा कांग्रेस निर्णयक हुने देखिएको छ ।

मुख्यमन्त्री पौडेल विरुद्ध ४५ सांसदले हस्ताक्षर सहित अविश्वासको प्रस्ताव दर्ता गराइसकेका छन । अविश्वासको प्रस्ताव दर्ता गर्दा नै नयाँ मुख्यमन्त्रीका लागी अष्टलक्ष्मी शाक्यको नाम प्रस्ताव भएको पुर्व मन्त्री युवराज दुलालले जानकारी दिए । ‘मुख्यमन्त्री बिरुद्ध अविश्वासको प्रस्ताव दर्ता भएको छ, अब नयाँ सरकार बन्छ, नयाँ मुख्यमन्त्रीका लागी अष्टलक्ष्मी शाक्यको नाम प्रस्ताव गरेका छौं,’ दुलालले भने । उनले ५० जना सांसद आफुहरुको पक्षमा रहेको र अन्य दलसँग पनि छलफल गरेर सहयोग माग्ने बताए ।

बागमती प्रदेश सभामा कूल १ सय १० जना सांसद छन । जसमा प्रचण्ड–माधव समूहका ४६ र ओली पक्षका ३४ जना छन । यसरी हेर्दा मुख्यमन्त्रीबाट पौडेललाई हटाएपछि नयाँ सरकार बनाउन बागमती प्रदेशमा प्रचण्ड–माधव समूहलाई १० सांसद अपुग देखिन्छ । कुल ५६ जना पुर्याउँदा मात्र सरकार बनाउन बहुमत पुग्छ ।

ओली निकट मानिने पूर्वमन्त्री केशव स्थापित तथा अन्य केहि सांसद पनि मुख्यमन्त्री पौडेलसँग चिढिएका छन । यो सँगै अबको प्रदेश सरकारमा प्रमुख प्रतिपक्ष दल नेपाली काग्रेस निर्णायक बन्ने देखिएको छ । प्रदेश सभामा नेपाली कांग्रेसको २२, विवेकशील साझा ३ र अन्य ५ जना सांसद छन ।

कांग्रेस संसदीय दलका नेता इन्द्र बानियाले नेकपाको आन्तरिक द्वन्दमा आफ्नो दल नपर्ने प्रतिक्रिया दिएका छन । उनले कसलाई सहयोग गर्ने र कसरी अघि बढ्ने भन्ने बिषयमा दलको बैठकबाट निर्णय लिइने बताए ।

अविश्वासको प्रस्ताव दर्ता गर्दा नै प्रदेशका तीन मन्त्री मन्त्रीले राजिनामा समेत दिएका छन । राजीनामा दिनेमा आन्तरिक मामिला तथा कानून मन्त्री शालिकराम जम्कट्टेल, उद्योग, पर्यटन वन तथा वातावरण मन्त्री अरुण नेपाल र सामाजिक विकास मन्त्री युवराज दुलाल छन । हाम्राकुराबाट।

प्रकाशित मिति: शुक्रबार, पुस १०, २०७७ १५:५४

प्रतिक्रिया दिनुहोस्