प्रदेश नंं १ का तीन जना मन्त्रीले दिए राजिनामा, आज अविस्वासको प्रस्ताव दर्ता हुँदै

राजनीति

गृहपृष्ठ
राजनीति
प्रदेश नंं १ का तीन जना मन्त्रीले दिए राजिनामा, आज अविस्वासको प्रस्ताव दर्ता हुँदै

प्रदेश नंं १ का तीन जना मन्त्रीले दिए राजिनामा, आज अविस्वासको प्रस्ताव दर्ता हुँदै

आइतबार, पुस १२, २०७७ बागेश्वरी पोस्ट

मुख्यमन्त्री शेरधन राई

बिराटनगर । प्रदेश नम्बर १ का तीन जना मन्त्रीहरुले आज बिहान राजिनामा दिएका छन् । राजिनामा दिने मन्त्रीहरु दाहाल–नेपाल पक्षधरका हुन् । प्रदेशसभा सदस्यहरुले आज मुख्यमन्त्री शेरधन राईविरुद्ध अविश्वासको प्रस्ताव दर्ता गराउने भएसंगै तीन जना मन्त्रीहरुले आज विहानै राजीनामा दिएका हुन् ।

प्रधानमन्त्री ओलीनिकट मुख्यमन्त्री राईले शनिबार साँझ दाहाल–नेपाल पक्षधरका आर्थिक मामिला तथा योजना मन्त्री इन्द्रबहादुर आङबोलाई बर्खास्त गरेका थिए । राजिनामा दिनेहरुमा सामाजिक विकासमन्त्री जीवन घिमिरे, सामाजिक विकास राज्यमन्त्री जसमाया गजमेर र उद्योग, पर्यटन, वन तथा वातावरण राज्यमन्त्री विजय विश्वासले राजीनामा दिएको मन्त्री घिमिरेका स्वकीय सचिव तिलकबहादुर बस्नेतले जानकारी दिएका छन् । मन्त्री पदबाट बर्खास्त भएका आङबोले आफ्ना पक्षका मन्त्रीहरुले आज सामूहिक राजीनामा दिने निर्णय गरेको तर मुख्यमन्त्रीले आफैं पदबाट हटाएर अविश्वासको प्रस्ताव दर्ता गराउन मार्ग प्रशस्त गरिदिएको बताए ।

No description available. अविश्वास प्रस्ताव दर्ता गराउन दाहाल–नेपाल पक्षधरका प्रदेशसभा सदस्यहरु विराटनगरमा भेला हुन थालेका छन् । आङबोले आइतबार मुख्यमन्त्रीविरुद्ध अविश्वास प्रस्ताव दर्ता गराउने तयारी भइसकेको बताए ।

प्रदेशसभामा रहेका ९३ सदस्यमध्ये नेकपाका ६७, कांग्रेसका २१, जनता समाजवादी पार्टीका ३, राष्ट्रिय प्रजातन्त्र पार्टी १ र संघीय लोकतान्त्रिक राष्ट्रिय मञ्चका १ जना छन् । नेकपाका ६७ सदस्यमध्ये पूर्व एमालेका ५१ र पूर्वमाओवादीका १६ जना छन् ।
No description available.