कञ्चनपुरको पार्टी कार्यालय कब्जा गर्न खोज्दा नेकपाका दुई पक्षबिच घम्साघम्सी

राजनीति

गृहपृष्ठ
राजनीति
कञ्चनपुरको पार्टी कार्यालय कब्जा गर्न खोज्दा नेकपाका दुई पक्षबिच घम्साघम्सी

कञ्चनपुरको पार्टी कार्यालय कब्जा गर्न खोज्दा नेकपाका दुई पक्षबिच घम्साघम्सी

आइतबार, पुस १२, २०७७ बागेश्वरी पोस्ट

महेन्द्रनगर । पार्टी कार्यालय कब्जा गर्न लाग्दा नेकपाका केपी पक्ष र प्रचण्ड-नेपाल पक्षबिच भिडन्तको अवस्था बनेको छ।विभाजित दुई पक्षले कञ्चनपुरको पार्टी कार्यालय कब्जा गर्न खोज्दा अहिले कार्यालय परिसरमा दुई पक्षबीच भिडन्तको अवस्था सृजना बनिरहेको छ।

भिडन्तको अवस्था भएपछि अहिले ठूलो संख्यामा सुरक्षाकर्मी परिचालित छन् भने प्रचण्ड–नेपाल नेतृत्वको नेकपाका स्थानीय नेता कार्यकर्ता र केपी ओली पक्षका नेता कार्यकर्ताबीच सो ठाउँमा विवाद तथा घम्साघम्सी भइरहेको छ।

नेता भीम रावलको उपस्थितिमा कञ्चनपुर पार्टी कार्यालयमा प्रचण्ड–नेपाल पक्षले आज साढे १२ बजे कार्यक्रम गर्ने तयारी गरेपछि त्यसलाई रोक्न ओली पक्षले कार्यालयमा ताला लगाएका थिए। पछि प्रचण्ड–नेपाल पक्षले ताला खोलेर कार्यक्रम गर्न खोजेपछि कार्यालय स्थलमा झडपको अवस्था भएको हो।

प्रकाशित मिति: आइतबार, पुस १२, २०७७ १५:०१

प्रतिक्रिया दिनुहोस्