भूमी सम्बन्धि समस्या समाधान आयोग र नेपालगञ्ज उपमहानगरपालिकाबीच सम्झौता

समाचार

गृहपृष्ठ
समाचार
भूमी सम्बन्धि समस्या समाधान आयोग र नेपालगञ्ज उपमहानगरपालिकाबीच सम्झौता

भूमी सम्बन्धि समस्या समाधान आयोग र नेपालगञ्ज उपमहानगरपालिकाबीच सम्झौता

बुधबार, पुस १५, २०७७ बागेश्वरी पोस्ट

नेपालगञ्ज । भूमी सम्बन्धि समस्या समाधान आयोग र नेपालगञ्ज उपमहानगरपालिकाबीच भूमीहिन दलित, भूमीहिन सुकुम्बासीलाई जग्गा उपलब्ध गराउन र अव्यवस्थित बसोबासीलाई व्यवस्थित गर्नका लागि आज सम्झौतापत्रमा हस्ताक्षर भएको छ ।

नेपालगञ्ज उपमहानगरपालिकाका उपमेयर उमा थापा मगरको उपस्थितिमा उपसचिव गोर्खवहादुर थापा र आयोगका उपसचिव राजेन्द्र अर्यालबीच सम्झौता भएको हो । नेपालगञ्ज उपमहानगरपालिकाका उपमेयर थापा मगरले आयोगसँग सम्झौता भएपछि नगर क्षेत्रमा देखिएको भूमी सम्बन्धि समस्या समाधान हुने चरणमा प्रवेश गरेको जानकारी दिनुभयो । नगरको वडा नम्बर १९ र २० मा सबैभन्दा बढी भूमी सम्बन्धि समस्या देखिएको छ । पछि गाभिएका साविकका गाविसमा समेत फाट्टफुट्ट भूमी सम्बन्धि समस्या देखिएका छन् ।

नेपालगञ्जमा आयोगसँग सम्झौता भएपछि लगत सङ्कलन एकाई सञ्चालनको तयारी गरिएको छ । आयोगसँग सम्झौता भएपछि भूमीहिन दलित, भूमीहिन सुकुम्बासीलाई जग्गा उपलब्ध गराउन र अव्यवस्थित बसोबासीलाई व्यवस्थित गर्नका लागि उनीहरुको पहिचान, लगत संकलन र प्रमाणीकरणको काम स्थानीय तहले गर्नेछ ।

प्रकाशित मिति: बुधबार, पुस १५, २०७७ १८:५५

प्रतिक्रिया दिनुहोस्