नेपालगञ्ज वडा नम्बर २ को कार्यालय भवनको शिलान्यास

समाचार

गृहपृष्ठ
समाचार
नेपालगञ्ज वडा नम्बर २ को कार्यालय भवनको शिलान्यास

नेपालगञ्ज वडा नम्बर २ को कार्यालय भवनको शिलान्यास

बुधबार, पुस १५, २०७७ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर २ को दैलेखी बंगलामा वडा कार्यालय भवन निर्माणको शिलान्यास गरिएको छ ।

नेपालगञ्ज उपमहानगरपालिकाका प्रमुख डा. धवलशम्शेर राणा, वडा अध्यक्ष सुनिलसिंह हमाल लगायतले आज भूमीपुजनसहित शिलान्यास गर्नुभयो । सो अवसरमा नगर प्रमुख राणाले ६ महिनाभित्रै भवन निर्माण सक्ने गरी काम गर्न उपभोक्ता समितिलाई आग्रह गर्नुभयो । उहाँले उपमहानगरपालिकाबाट आवश्यक सहयोग गर्ने बताउनुभयो ।

वडा अध्यक्ष हमालका अनुसार भवन निर्माणका लागि वडाले ५० लाख रुपैयाँ बजेट विनियोजन गरेको छ । वडाको छुट्टै प्रशासनिक भवन निर्माण गर्न लागिएको हो । वडा कार्यालयसँगै बर्थिङ सेन्टर सहितको स्वास्थ्य भवन निर्माणको अन्तिम चरणमा रहेको छ । भवनका लागि संघीय सरकार लगायतबाट सहयोग प्राप्त हुने वडा कार्यालयले बिश्वास ब्यक्त गरेको छ ।

प्रकाशित मिति: बुधबार, पुस १५, २०७७ १९:०५

प्रतिक्रिया दिनुहोस्