ट्रक र टाटा सुमो ठोक्किँदा एकको मृत्यु, दुई जना घाइते

समाचार

गृहपृष्ठ
समाचार
ट्रक र टाटा सुमो ठोक्किँदा एकको मृत्यु, दुई जना घाइते

ट्रक र टाटा सुमो ठोक्किँदा एकको मृत्यु, दुई जना घाइते

बिहीबार, पुस १६, २०७७ बागेश्वरी पोस्ट

सांंकेतिक तस्बिर

नेपालगञ्ज । बाँकेमा ट्रक र टाटा सुमो गाडी एक आपसमा ठोक्किँदा एक जनाको मृत्यु भएको छ भने दुई जना घाइते भएका छन् ।

पूर्व पश्चिम राजमार्ग अन्तर्गत् राप्तीसोनारी गाउँपालिका वडा नम्बर ८ शमशेरगञ्जमा पूर्वबाट पश्चिमतर्फ आइरहेको बा १८ च ३६८६ नम्बरको टाटा सुमो गाडी र पश्चिमबाट पूर्वतर्फ जाँदै गरेको ना ५ ख ९७८० नम्बरको ट्रक गएराति ८ बजेतिर ठोक्किएर दुर्घटना हुँदा नेपालगञ्ज उपमहानगरपालिका वडा नम्बर २० राँझाकी ३९ बर्षीया संगिता मगरको मृत्यु भएको इलाका प्रहरी कार्यालय कोहलपुरले जनाएको छ । दुर्घटनामा गम्भीर घाइते हुनुभएकी मगरको गएराति नै उपचारका क्रममा नेपालगञ्ज मेडिकल कलेज कोहलपुरमा मृत्यु भएको हो ।

दुर्घटनामा राष्ट्रिय बाणिज्य बैंक धम्बोझी नेपालगञ्ज शाखाका म्यानेजर विनोद पाण्डे र नेपालगञ्ज उद्योग बाणिज्य संघकी कार्यसमिति सदस्य नेपालगञ्ज २० राँझाकी विन्दु चर्ती मगर घाइते हुनुभएको प्रहरीले जनाएको छ । दुबै जनाको नेपालगञ्ज मेडिकल कलेजमा उपचार भइरहेको छ । चर्ती मगरको टाउको चोट लागेको छ । उहाँको अवस्था गम्भीर रहेको बताइएको छ । पाण्डेको अवस्था भने सामान्य रहेको चिकित्सकले बताएका छन् ।

प्रकाशित मिति: बिहीबार, पुस १६, २०७७ १२:५२

प्रतिक्रिया दिनुहोस्