मुख्यमन्त्री शेरधन राईले गरे १५ सांंसदलाई निलम्बन

राजनीति

गृहपृष्ठ
राजनीति
मुख्यमन्त्री शेरधन राईले गरे १५ सांंसदलाई निलम्बन

मुख्यमन्त्री शेरधन राईले गरे १५ सांंसदलाई निलम्बन

बिहीबार, पुस १६, २०७७ बागेश्वरी पोस्ट

मुख्यमन्त्री शेरधन राई

बिराटनगर । प्रदेश नम्बर १ का मुख्यमन्त्री शेरधन राईले १५ जना प्रदेश सभा सदस्यलाई निलम्बन गरेका छन् । आफुविरुद्ध अविश्वासको प्रस्तावमा हस्ताक्षर गरेको भन्दै उनीहरुलाई निलम्बन गरेका छन् प्रचण्ड–माधव समुहले मुख्यमन्त्रीको रूपमा अघिसारेका भीमप्रसाद आचार्यसहित १५ जनालाई तीन महिनाका लागि निलम्बन गरेको प्रमुख सचेकत वुध्दिकुमार राजभण्डारीले बताएका छन् । उनका अनुसार निलम्बन मा पर्नेहरूमा जीवन घिमिरे, इन्द्रबहादुर आङबो, बिजयकुमार विश्वास, सावित्राकुमारी रेग्मी, उपेन्द्र घिमिरे, लिलावल्लभ अधिकारी, राजेन्द्रकुमार राई , यशोधा अधिकारी, लछुमन तिवारी, मोहन कुमार खड्का, कुलप्रसाद साम्बा, धिरेन्द्र शर्मा, टंक आङबुहाङ र कुसुम कुमारी श्रेष्ठ रहेका छन् । अविश्वासको प्रस्तावमा हस्ताक्षर गरेका तुलसीप्रसाद न्यौपाने, उषाकला राई, झलकबहादुर मगर र रामकुमार राईले भने मौखिक जवाफ दिएकाले कारवाही नगरिएको बताइएको छ । प्रचण्ड–माधव समुहले भने यस अघि नै संसदीय दलको नेता परिवर्तन गर्न प्रदेशसभाका ३६ सदस्यले उपेनता टंक आङ्बुहाङलाई पत्र बुझाएका थिए । पत्र प्राप्त भएपछि आङ्बुहाङले पुस १९ गते संसदीय दलको बैठक बोलाएकामा मुख्यमन्त्री राईले अविश्वास प्रस्ताव पेश गर्नेलाई स्पष्टिकरण सोधेपछि बिहीबार बिहान नै आकस्मिक रुपमा संसदीय दलको बैठक बोलाएर राईलाई संसदीय दलका नेताबाट हटाएर भीम आचार्यलाई चयन गरेका छन् ।

प्रकाशित मिति: बिहीबार, पुस १६, २०७७ १७:४८

प्रतिक्रिया दिनुहोस्