नेपालगञ्जलाई पूर्ण खोपयुक्त नगर घोषणाको तयारी

समाचार

गृहपृष्ठ
समाचार
नेपालगञ्जलाई पूर्ण खोपयुक्त नगर घोषणाको तयारी

नेपालगञ्जलाई पूर्ण खोपयुक्त नगर घोषणाको तयारी

बिहीबार, पुस २३, २०७७ बागेश्वरी पोस्ट

नेपालगन्ज उपहानगरपालिका कार्यालय

नेपालगञ्ज । नेपालगञ्जलाई पूर्ण खोपयुक्त नगर घोषणाका लागि तयारी अघि बढाइएको छ । पूर्ण खोप घोषणालाई अन्तिम रुप दिनका लागि खोप तथा सरसफाई प्रवर्द्धन कार्यक्रमको समिक्षा, सुक्ष्म योजना अध्यावधिक र खोप समन्वय अभिमुखीकरण आज सम्पन्न भएको छ ।

कार्यक्रममा जिल्ला समन्वय समिति बाँकेका संयोजक अजय श्रीवास्तवले यही फागुनभित्र बाँकेलाई पूर्ण खोपयुक्त जिल्ला घोषणा हुन लागेको जानकारी दिनुभयो । फागुन १० भित्र वडा, १५ भित्र पालिका र ३० गतेभित्र स्थानीय तहलाई पूर्ण खोप घोषणा गर्ने उहाँको भनाई छ ।

नेपालगञ्ज उपमहानगरपालिकाका प्रमुख डा. धवलशम्शेर राणाले नगरमा भौतिक विकासँगै सामाजिक विकासलाई एकसाथ लैजानुपर्ने बताउनुभयो । उहाँले कोभिड–१९ को खोप निकट भविष्यमा आउने भएकाले अहिलेदेखि नै मानसिकरुपमा तयारी हुन स्वास्थ्यकर्मीहरुलाई निर्देशन दिनुभयो ।

प्रमुख प्रशासकीय अधिकृत ओमवहादुर खड्का, स्वास्थ्य कार्यालयका प्रमुख धिरजंग शाह, जनप्रतिनिधि तथा स्वास्थ्यकर्मी सहभागी कार्यक्रममा उपमहानगरपालिकाका स्वास्थ्य शाखा प्रमुख रामवहादुर चन्दले नगरलाई पूर्ण खोप घोषणाका लागि सबै पक्षको साथ र सहयोगको आवश्यकता भएको बताउनुभयो ।

वडा नम्बर १४ का वडाध्यक्ष ओमकारनाथ मिश्राले नगरमा स्वास्थ्य क्षेत्रको सुधारका लागि आवश्यकता अनुसार दरबन्दी हुनुपर्नेमा जोड दिनुभयो ।

प्रकाशित मिति: बिहीबार, पुस २३, २०७७ १९:४६

प्रतिक्रिया दिनुहोस्