उपनिर्वाचन कांग्रेसका लागी अग्नी परिक्षा: कांग्रेस नेता दिपक गिरी

राजनीति

गृहपृष्ठ
राजनीति
उपनिर्वाचन कांग्रेसका लागी अग्नी परिक्षा: कांग्रेस नेता दिपक गिरी

उपनिर्वाचन कांग्रेसका लागी अग्नी परिक्षा: कांग्रेस नेता दिपक गिरी

बुधबार, मंसिर ४, २०७६ बागेश्वरी पोस्ट

दाङ । नेपाली काँग्रेसका केन्द्रीय सदस्य तथा पूर्व मन्त्री दीपक गिरीले उपनिर्वाचन कांग्रेसका लागि अग्नि परीक्षा सरह रहेको बताएका छन् । शान्तिनगर गाउँपालिका वडा नं ७ को दुविचौरमा आयोजित चुनावीसभालाई सम्बोधन गदै नेता गिरीले मंसिर १४ गतेको उपनिर्वाचन मिनी जनमत संग्रह जस्तै भएको तर्क गरे ।

‘यो उपनिर्वाचन काँग्रेसका लागि सेमिफाईनल जस्तै हो,’ नेता गिरीले भने ‘यो निर्वाचनमा काँग्रेस उम्मेदवार केशव आचार्यलाई विजयी बनाएर तीन वर्षपछि हुने निर्वाचनको विजयको झन्डा गाड्नुहोस।’ नेता गिरीले वर्तमान कम्युनिष्ट सरकारले आफुलाई अधिनायकत्व तर्फ अगाडि बढाउँदै लगेको भन्दै त्यो रोक्नका लागि काँग्रेस उम्मेदवार आचार्यलाई विजयी गराउन आग्रह गरेका थिए ।

सरकार भ्रष्टचारमा चुर्लुम्म डुवेको तथा विभिन्न काण्डै काण्डमा फसेको हुँदा काँग्रेस त्यसैको बर्खिलापमा आफ्नो उम्मेदवारको साथ मतदाताको अभिमत माग्न आएको काँग्रेस उनले बताए ।

देशको राष्ट्रियता रक्षाको लागि, अधिनायकत्वतिर बढी रहेको सरकारलाई समाप्त गर्न र भ्रष्टचार उन्मुलन गर्नको लागि काँग्रेसले जित्न जरुरी रहेको नेता गिरीले तर्क गरे ।

प्रकाशित मिति: बुधबार, मंसिर ४, २०७६ ११:४८

प्रतिक्रिया दिनुहोस्