प्रतिनिधिसभा विघटनविरुद्ध नेपालगन्जमा जसपाको विरोधसभा

राजनीति

गृहपृष्ठ
राजनीति
प्रतिनिधिसभा विघटनविरुद्ध नेपालगन्जमा जसपाको विरोधसभा

प्रतिनिधिसभा विघटनविरुद्ध नेपालगन्जमा जसपाको विरोधसभा

सोमबार, पुस २७, २०७७ बागेश्वरी पोस्ट

नेपालगन्ज । जनता समाजवादी पार्टी (जसपा) ले प्रतिनिधिसभा विघटन विरुद्ध नेपालगन्जमा विरोधसभा गरेको छ ।

त्रिभुवनचोकमा आयोजित विरोधसभामा बोल्ने बक्ताहरुले प्रधानमन्त्री केपी शर्मा वलीको असंवैधानिक र प्रतिगामी कदमका कारण मुलुक अस्थिरताको भूमरीमा फसेको बताएका छन् । राष्ट्रपति विद्यादेवी भण्डारी समेत संविधानको बलात्कार गर्ने प्रधानमन्त्री वलीको मतियार बनेको उनीहरूले बताए । पूर्वमन्त्री एवं जसपाका केन्द्रिय कार्यकारिणी सदस्य मोहम्मद इस्तियाक राईले अदालतले प्रतिनिधिसभा पुन:स्थापित नगरे सडकबाटै संसद् पुन:स्थापित गरिने चेतावनी दिनुभयो ।

संविधानमै नभएको व्यवस्थालाई टेकेर गैरसंवैधानिक कदम चाल्ने प्रधानमन्त्री वली अहंकारी भएको बताउनुभयो । विरोधसभामा कार्यकारिणी सदस्य अकबाल अहमद शाह र अमृता अग्रहरीले प्रधानमन्त्रीको सनकका भरमा प्रतिनिधिसभा विघटन भएकाले तत्काल पुनःस्थापित हुनुपर्ने बताउनुभयो । प्रधानमन्त्री वलीले लोकतन्त्रको हत्या गरेको दुबै जनाको जिकिर थियो ।
No description available.