कांग्रेसले भोलि नेपालगन्ज र डुडुवामा बिरोधसभा गर्दै, डा.मिनेन्द्र रिजाल आउँदै

राजनीति

गृहपृष्ठ
राजनीति
कांग्रेसले भोलि नेपालगन्ज र डुडुवामा बिरोधसभा गर्दै, डा.मिनेन्द्र रिजाल आउँदै

कांग्रेसले भोलि नेपालगन्ज र डुडुवामा बिरोधसभा गर्दै, डा.मिनेन्द्र रिजाल आउँदै

शुक्रबार, माघ २, २०७७ बागेश्वरी पोस्ट

नेपालगन्ज । नेपाली कांग्रेसले बाँकेले शनिबार नेपालगन्ज र डुडुवा गाउँपालिकामा बिरोधसभा गर्ने भएको छ ।

नेपाली कांग्रेस केन्द्रिय कार्यसमितिको बैठकको निर्णय अनुसार माघ ३ गते नेपाली कांग्रेस नेपालगन्ज नगर समितिको आयोजनामा शनिबार प्रतिनिधिसभा विघटनविरुद्ध बिरोधसभा गर्न लागेको नगर सभापति प्रशान्त बिष्टले जानकारी दिनुभयो ।

बिहान ११ बजे हुने हुने बिरोधसभालाई नेपाली कांग्रेसका केन्द्रिय सदस्य डा. मिनेन्द्र रिजालले सम्बोधन गर्ने नगर सभापति बिष्टले बताउनुभयो । नेपालगन्जको रामलिला मैदान अगाडिको सरस्वती मन्दिर नजिक हुने बिरोधसभामा कांग्रेसका नेता डा. रिजालसँगै अन्य कांग्रेस नेताहरुको पनि उपस्थिति रहने भएको छ ।

त्यस्तै शनिबार दिउँसो १ बजे डुडुवा गाउँपालिकाको बनकट्टी चौकमा बिरोधसभा हुुुुने डुडुुुवा गाउँपालिकाका अध्यक्ष नरेन्द्र कुमार चौधरीले बताउनुभयो । अध्यक्ष चौधरीले डुडुवामा शनिबार हुने बिरोधसभामा सबै कांग्रेस नेता कार्यकर्ताहरुलाई उपस्थित अनुरोध गर्नुभएको छ ।

प्रकाशित मिति: शुक्रबार, माघ २, २०७७ १२:५२

प्रतिक्रिया दिनुहोस्