तीन घण्टादेखि बालुवाटारमा नेकपा सचिवालय बैठक जारी

राजनीति

गृहपृष्ठ
राजनीति
तीन घण्टादेखि बालुवाटारमा नेकपा सचिवालय बैठक जारी

तीन घण्टादेखि बालुवाटारमा नेकपा सचिवालय बैठक जारी

बुधबार, मंसिर ४, २०७६ बागेश्वरी पोस्ट

काठमाडौं । बुधवार अपराह्न प्रधानमन्त्री निवास बालुवाटारमा बसेको सत्तारूढ दल नेपाल कम्युनिस्ट पार्टी (नेकपा)को सचिवालय बैठक ३ घण्टादेखि निरन्तर चलिरहेको छ ।

बैठकमा मन्त्रिपरिषद् हेरफेरको कार्यसूचीसँगै सभामुखमा कसलाई ल्याउने भन्ने विषयमा पनि छलफल भइरहेको छ ।

हटाउने र नयाँ ल्याउने मन्त्रीहरू लगभग तय भइसकेपनि मन्त्रालय फेरबदल गर्ने मन्त्रीहरूको नाममा सहमति जुट्न नसकेको स्रोतले दाबी गरेको छ ।

मंगलवार साँझ अबेरसम्म बसेको मन्त्रिपरिषद् बैठकमा प्रधानमन्त्री ओलीले औपचारिक रूपमै केही मन्त्रीहरू हट्ने र नयाँ आउने बताएका थिए ।

बुधवार बिहानैदेखि मन्त्रिपरिषद् हेरफेरको विषय चर्चामा रहेको छ ।

नेकपाका अध्यक्षद्वय पुष्पकमल दाहाल 'प्रचण्ड' र केपी शर्मा ओलीले बालुवाटारमा छलफल गरेपछि हट्ने र नयाँ आउने मन्त्रीहरूको सूची लिएर राष्ट्रपति विद्यादेवी भण्डारीसँग छलफल गर्न शीतलनिवास पुगेका थिए ।

प्रकाशित मिति: बुधबार, मंसिर ४, २०७६ १५:३३