नेपालमा पनि नयाँ स्वरुपको कोरोना भाइरस भित्रियो, तीन जनामा पुष्टि

समाचार

गृहपृष्ठ
समाचार
नेपालमा पनि नयाँ स्वरुपको कोरोना भाइरस भित्रियो, तीन जनामा पुष्टि

नेपालमा पनि नयाँ स्वरुपको कोरोना भाइरस भित्रियो, तीन जनामा पुष्टि

सोमबार, माघ ५, २०७७ बागेश्वरी पोस्ट

नेपालगञ्ज । बेलायतबाट नेपाल आएका तीन जनामा बेलायतमै भेटिएको नयाँ स्वरुपको कोरोना भाइरसको संक्रमण भएको पुष्टि भएको छ । स्वास्थ्य तथा जनसंख्या मन्त्रालयले बेलायतबाट नेपाल आएका तीन जना (२८ वर्षीया महिला, ६७ वर्षीय पुरुष र ३२ वर्षीय पुरुष) मा नयाँ स्वरुपको कोरोना भाइरसको संक्रमण भएको पुष्टि गरेको हो ।

तीनै जनाको नमुना परिक्षणका लागि मन्त्रालयले हङकङ पठाएको थियो । गत पैष २७ गते परिक्षणका लागि पठाएको नमुनाको नतिजा माघ ५ गते आज आएको र त्यसमा बेलायतमा भेटिएको भेरियन्टकोे संक्रमण भएको पाइएको हो । संक्रमित तीन जना मध्ये २ जनालाई अहिले नेगेटिभ आइसकेको भने ६७ वर्षीय पुरुष भने संक्रमणकै अवस्थामा रहेको मन्त्रालयले जनाएको छ ।

तुलनात्मक रुपमा निकै बढी संक्रामक मानिएको यो स्वरुपको कोरोना भाइरसको संक्रमण फैलिने सम्भावना रहेका कारण सरसफाईमामा ध्यान दिन स्वास्थ्य मन्त्रालयले आग्रह गरेको छ ।

प्रकाशित मिति: सोमबार, माघ ५, २०७७ १४:२६

प्रतिक्रिया दिनुहोस्