होम आइसोलेसनमा बसेका नेपालगञ्जका दुई जनाको मृत्यु

समाचार

गृहपृष्ठ
समाचार
होम आइसोलेसनमा बसेका नेपालगञ्जका दुई जनाको मृत्यु

होम आइसोलेसनमा बसेका नेपालगञ्जका दुई जनाको मृत्यु

मंगलबार, माघ ६, २०७७ बागेश्वरी पोस्ट

सांंकेतिक तस्बिर

नेपालगञ्ज । बाँकेमा कोरोनाबाट थप दुई जनाको मृत्यु भएको छ । नेपालगञ्ज उपमहानगरपालिका वडा नम्बर १० भृकुटीनगरका ७० बर्षीय पुरुषको गएराति होम आइसोलेसनमै मृत्यु भएको हो ।

पुष २६ गते कोरोना पुष्टि भएपछि होम आइसोलेसनमा बसेका उनलाई अक्सिजनको लेवल कम भएपछि २७ गते भेरीको कोभिड आइसोलेसन वार्डमा भर्ना गरिएको थियो । विरामीको स्वास्थ्यमा सुधार भएपछि २९ गतदेखि पुनः होम आइसोलेसनमा बसेका उनको गएराति साढे ९ बजे मृत्यु भएको जिल्ला कोभिड १९ संकट व्यवस्थापन केन्द्र बाँकेका फोकल पर्सन तेज वलीले जानकारी दिनुभयो । उनी मधुमेह, थाइराइड, प्रेसर र मानसिक रोग पीडित थिए ।

यस्तै होम आइसोलेसनमा बसेका नेपालगञ्जकै वडा नम्बर १ का ४९ बर्षीय पुरुषको पनि आज विहान मृत्यु भएको छ । होम आइसोलेसनमा बसेका उनलाई एक्कासी बेहोस भएपछि आज विहान ६ बजे भेरी अस्पताल लगिए लगत्तै ६.१० मै मृत्यु भएको वलीले बताउनुभयो । उनलाई पुष २८ गते कोरोना पुष्टि भएको हो ।

यो संगै बाँकेमा कोरोना संक्रमणबाट मृत्यु हुनेको संख्या ५१ पुगेको छ ।

प्रकाशित मिति: मंगलबार, माघ ६, २०७७ १०:५९

प्रतिक्रिया दिनुहोस्