हरीण भनेर जंगलबाट घाँस बोकेर आउँदै गरेकी महिलामाथी गोली प्रहार

समाचार

गृहपृष्ठ
समाचार
हरीण भनेर जंगलबाट घाँस बोकेर आउँदै गरेकी महिलामाथी गोली प्रहार

हरीण भनेर जंगलबाट घाँस बोकेर आउँदै गरेकी महिलामाथी गोली प्रहार

मंगलबार, माघ ६, २०७७ बागेश्वरी पोस्ट

सांंकेतिक तस्बिर

रोल्पा । रोल्पामा एक जना महिलामाथी गोली प्रहार भएको छ।जंगलबाट घाँसको भारी बोकेर घर फर्किदै गरेकी ति महिला माथि गोली प्रहार भएको प्रहरीले जानकारी दिएको छ। रोल्पा नगरपालिमा वडा नम्बर ९ फाल्जाकी ४५ बर्षीया बरु पुनमाथि सोमबार बेलुका साढे ७ बजेरित जंगलवाट घाँसको भारी बोकेर घर फर्किने क्रममा गोली प्रहार भएको हो। जंगलदेखि बाख्रा चरायर घर घाँसको भारीसहित घर फर्किने क्रममा स्थानीय ३७ बर्षीय हस्तबहादुर पुनले बरुमाथि गोली हानेको रोल्पाका प्रहरी प्रमुख डिएसपी नरेशराज सुबेदीले जानकारी दिए । टाउकोमा गोली लागेको र गिदी समेत बाहिर निस्किएको हुँदा बरुको अवस्था गम्भीर रहेको डिएसपी सुबेदीले बताए । घाइतेलाई मंगलवार विहान ४ बजेतिर जिल्ला अस्पताल रेउघाबाट थप उपचारका लागि भैरहवा मेडिकल कलेजमा लगेर उपचार भइरहेको प्रहरीले बताएको छ । पक्राउ परेका पुनले प्रहरी समक्ष आफुले हरिण ठानेर ती महिलालाई गोली चलाएको बयान गरेका छन् ।हरिनले गहुँबाली खाएर नाश पारेपछि हरिन मार्न भनेर आफु बथाना बसेको र झुसमुसे अँध्यारोमा घाँसको भारी बोकेकी महिला आउँदा हरिन ठानेर आफुले गोली चलाएको भन्ने दाबी पुनले प्रहरी गरेको डिएसपी सुबेदीले बताए । गोली हान्ने पुनलाई मंगलवार विहान भरुवा बन्दुकसहित पक्राउ गरेको छ। घटनाबारे थप आवश्यक अनुसन्धान भइरहेको डिएसपी सुबेदीले जानकारी दिएका छन् ।

प्रकाशित मिति: मंगलबार, माघ ६, २०७७ १७:२२

प्रतिक्रिया दिनुहोस्