नेपालगन्जको १३ नम्बरमा पनि कांग्रेसको विरोधसभा: सरकारले न्यायालयलाई दवाव दिंँदैछ

राजनीति

गृहपृष्ठ
राजनीति
नेपालगन्जको १३ नम्बरमा पनि कांग्रेसको विरोधसभा: सरकारले न्यायालयलाई दवाव दिंँदैछ

नेपालगन्जको १३ नम्बरमा पनि कांग्रेसको विरोधसभा: सरकारले न्यायालयलाई दवाव दिंँदैछ

बिहीबार, माघ ८, २०७७ बागेश्वरी पोस्ट

नेपालगन्ज । नेपाली काँग्रेसले संसद् विघटनको विरोधमा आज देशभरीका वडा तहमा विरोध कार्यक्रम गरेको छ । नेपाली काँग्रेसले गरिरहेको देशब्यापी विरोध कार्यक्रममा बाँकेका सबै वडामा पनि बिरोधका कार्यक्रम भएका छन् । यसैक्रममा नेपालगन्ज उपमहानगरपालिका वडा नं. १३ मा पनि बिरोधसभा भएको छ । विरोधसभामा प्रमुख अतिथि महासमिति सदस्य राकेश श्रीवास्तवले प्रधानमन्त्री केपी ओलीको असंवैधानिक कदमका विरुद्ध कांग्रेस सडकमा आएको बताउनुभयो । उहाँले संविधानको रक्षा गर्न कांग्रेस देशभर आन्दोलित भएको बताउनुभयो । विशिष्ट अतिथि वडा नम्बर १३ का वडा अध्यक्ष एवम् तरुण दल बाँकेका अध्यक्ष बिरेन्द्र शाहले स्वतन्त्र न्यायपालिकामाथि सरकारले दवाव दिन थालेको भन्दै गम्भीर चिन्ता ब्यक्त गर्नुभयो । शाहले लोकतन्त्र र संविधानको रक्षाका लागि एक जुट हुन सबैलाई आह्वान समेत गर्नुभयो । प्रधानमन्त्री ओलीले गलत कार्य गरेकाले आज सबैले बिरोध गर्नुपरेको शाहले बताउनुभयो । उहाँले देशको प्रधानमन्त्रीले यस्तो गलत कार्य गरेकाले सर्बोच्च अदालतले पद मुक्त समेत गर्नुपर्ने धारना ब्यक्त गर्नुभयो । कार्यक्रममा तरुण दल नेपालगन्जका सभापति सन्दिपजंग शाह, वडा सभापति शालिकराम शाह, सहसभापति ओम प्रकाश चौहान, सचिव अरुण बिक्रम शाह, पूर्व वडा अध्यक्ष प्रकाशजंग राणा, शिक्षक संघ बाँकेका अध्यक्ष बिरेन्द्र यादब, महिला संघ बाँकेका सचिब रत्ना राणा, नेबिसंघ क्षेत्रीय अध्यक्ष रमेश तिमिल्सिना लगायत उपस्थित हुनुहुन्थ्यो ।

प्रकाशित मिति: बिहीबार, माघ ८, २०७७ १९:४५

प्रतिक्रिया दिनुहोस्