नागरिक समाजसँग सरकारले क्षमा माग्न डा.कोइरालाको आग्रह

राजनीति

गृहपृष्ठ
राजनीति
नागरिक समाजसँग सरकारले क्षमा माग्न डा.कोइरालाको आग्रह

नागरिक समाजसँग सरकारले क्षमा माग्न डा.कोइरालाको आग्रह

मंगलबार, माघ १३, २०७७ बागेश्वरी पोस्ट

फाइल फोटो

काठमाडौं । बालुवाटार घेर्न पुगेका मानवअधिकार तथा शान्ति समाजका सभापति कृष्ण पहाडीसहित २६ जनालाई प्रहरीले पक्राउ गरेको घटनापछि सरकारको चर्को आलोचना भइरहेको छ । शान्तिपूर्ण प्रदर्शनमा सहभागी नागरिक समाजका अगुवामाथि प्रहरीले लाठी बर्साउनुका साथै पानीको फोहोरा फालेको थियो । नेपाली कांग्रेसका केन्द्रीय सदस्य डा। शेखर कोइरालाले प्रतिगमनका विरुद्धमा शान्तिपूर्ण प्रदर्शन गरिरहेका नागरिक समाजमाथि भएको वर्वरताको निन्दा र भत्सर्ना जति गरे पनि नपुग्ने बताएका छन् । उनले भनेका छन्, ‘देशको माटो निधारमा लगाएर प्रतिगमनका विरुद्धमा शान्तिपुर्ण प्रदर्शन रहेका नागरिक समाज माथि वर्वरताको निन्दा र भत्सर्ना जति गरेपनि पुग्दैन।त्यो अपराधको दण्डबाट मुक्ति न त मन्दिरमा गरिने क्षमा पुजाबाट सम्भव छ न त कम्युनिष्ट शब्दकोषको आत्मालोचनाबाट नै। सरकार,नागरिक समाजसँग क्षमा माग।’ डा. कोइरालाले सरकारलाई आग्रह गरेका छन् ।

प्रकाशित मिति: मंगलबार, माघ १३, २०७७ १०:०५

प्रतिक्रिया दिनुहोस्