खजुरा गाउँपालिकालाई प्रसुति गृह हस्तान्तरण

समाचार

गृहपृष्ठ
समाचार
खजुरा गाउँपालिकालाई प्रसुति गृह हस्तान्तरण

खजुरा गाउँपालिकालाई प्रसुति गृह हस्तान्तरण

मंगलबार, माघ १३, २०७७ बागेश्वरी पोस्ट

खजुरा । खजुरा गाउँपालिका वडा नं. ७ सोनपुरमा निर्मित प्रसुति गृह हस्तान्तरण गरिएको छ । सोनपुर स्वास्थ्य चौकी भवन परिसरमा आड्रा नेपालको प्राविधिक र इन्रुडेक कोहलपुरको आर्थिक सहयोगमा निर्माण भएको प्रसुति भवनको कागजपत्र आड्रा नेपालका स्वास्थ्य क्षेत्र टीम लिडर डा. घनश्याम भट्टले खजुरा गाउँपालिका कार्यवाहक अध्यक्ष एकमाया विकलाई हस्तान्तरण गर्नुभयो । १८ लाख ४१ हजार लागतमा निर्मित प्रसुति भवनको उद्घाटन गर्दै कार्यवाहक अध्यक्ष विकले सुरक्षितरुपमा सुत्केरी गराउनका लागि बर्थिङ सेन्टरले टेवा पुग्ने बताउनुभयो । उहाँले वडा नं. ७ जहाँ मुस्लिम र मधेशी बाहुल्य बस्ती छ त्यहाँ निर्माण भएकोे भवन उपयोगी सिद्ध भएको उल्लेख गर्दै भिडियो एक्सरे लगायतका आवश्यक थप स्वास्थ्य सामग्री उपलब्ध गराउन सम्बद्ध सहयोगी दातालाई आग्रह गर्नुभयो । कार्यवाहक अध्यक्ष विकले स्थानीय सरकार र सहयोगी संस्थाको सहकार्य र समन्वयबाट अगाडि बढ्नु पर्नेमा जोड दिनुभयो । कार्यक्रममा बोल्दै आड्रा नेपालका स्वास्थ्य क्षेत्र टीम लिडर डा. भट्टले देशभर ६० ठाउँमा यस्ता बर्थिङ सेन्टर निर्माण गरेको बताउनुभयो । आड्रा जापानकी युका ओनिसी, इन्रुडेकका अध्यक्ष धर्मलाल रोकायले प्रसुति भवनको सही सदुपयोग गर्दै दिगोरुपमा विकास गर्नुपर्नेमा जोड दिनुभयो । खजुरा गाउँपालिका वडा नं. ७ का वडाध्यक्ष अतिउल्ला खानले सोनपुर स्वास्थ्य चौकीमा विभिन्न स्वास्थ्य उपकरणको अभाव रहेकाले सहयोगका लागि आग्रह गर्नुभयो । भुवरभवानी निर्माण सेवाले ५ महिनामा निर्माण सम्पन्न गरेको हो । नवजात शिशु तथा बालसुधार परियोजना अन्तरगत् सो प्रसुति भवनको निर्माण गरिएको थियो ।

प्रकाशित मिति: मंगलबार, माघ १३, २०७७ १८:५१

प्रतिक्रिया दिनुहोस्