लोकतन्त्र, संघियता र समावेशिता समाप्त पार्ने खेल हुँदैछ: उपेन्द्र यादव

राजनीति

गृहपृष्ठ
राजनीति
लोकतन्त्र, संघियता र समावेशिता समाप्त पार्ने खेल हुँदैछ: उपेन्द्र यादव

लोकतन्त्र, संघियता र समावेशिता समाप्त पार्ने खेल हुँदैछ: उपेन्द्र यादव

बिहीबार, माघ १५, २०७७ बागेश्वरी पोस्ट

पत्रकार सम्मेलनमा अध्यक्ष यादव

नेपालगन्ज । जनता समाजवादी पार्टीका अध्यक्ष उपेन्द्र यादवले लोकतन्त्रलाई धरापमा पार्ने खेलका विरुद्ध मोर्चाबन्दी गर्नुपर्ने बताउनुभएको छ । अवधि पत्रकार संघ बाँकेले आज नेपालगन्जमा गरेको पत्रकार सम्मेलनमा अध्यक्ष यादवले संघियता, लोकतन्त्र र समावेशितालाई धरापमा पार्दै समाप्त गर्ने उद्देश्य अनुरुप प्रतिनिधिसभा विघटन गरिएको जिकिर गर्नुभयो । उहाँले संसद् विघटन संविधानसम्मत नभएको बताउनुभयो । यादवले संसद् विघटन असंवैधानिक र अलोकतान्त्रिक भएको बताउँदै मुलुकलाई प्रतिगमनतर्फ लैजाने खेल भइरहेको दावी गर्नुभयो । "प्रतिनिधिसभा विघटनपछि प्रधानमन्त्रीले फरक फरक कारण बताइरहनुभएको छ, कहिले यो संविधानसम्मत हो भन्नुहुन्छ, कहिले राजनीतिक निर्णय हो भन्नुहुन्छ, यसको औचित्य नै पुष्टि हुन सकेको छैन," यादवले भन्नुभयो ।

प्रकाशित मिति: बिहीबार, माघ १५, २०७७ १२:१७

प्रतिक्रिया दिनुहोस्