प्रथम पुण्यतिथीमा

समाचार

गृहपृष्ठ
समाचार
प्रथम पुण्यतिथीमा "चाचाजी" को सम्झना

प्रथम पुण्यतिथीमा "चाचाजी" को सम्झना

बिहीबार, माघ १५, २०७७ बागेश्वरी पोस्ट

नेपालगञ्ज । प्रेस स्वतन्त्रता सेनानी बरिष्ठ पत्रकार पन्नालाल गुप्त "चाचाजी"को प्रथम पुण्यतिथीमा स्मृतिसभा गरिएको छ ।

प्रेस स्वतन्त्रता सेनानी पन्नालाल गुप्त प्रतिष्ठानले आज नेपालगञ्ज त्रिभुवनचोकस्थित महेन्द्र पुस्तकालयको सभाहलमा गरेको स्मृतिसभामा जनता समाजबादी पार्टीका केन्द्रिय अध्यक्ष उपेन्द्र यादवले लोकतन्त्र र मानव अधिकारका पक्षमा आजीवन कलम चलाउनुभएका स्वर्गीय गुप्त निष्ठाबान् पत्रकार भएको बताउनुभयो । सधैं सत्यका पक्षमा कलम चलाएका गुप्त निर्भिक व्यक्तित्व भएको यावदले बताउनुभयो ।

पूूर्व मन्त्री मोहम्मद इस्तियाक राईले अहिलेका पत्रकारहरुले "चाचाजी"ले देखाउनुुभएको बाटो पछ्याउन सके मात्रै उहाँप्रति सच्चा श्रद्धाञ्जली हुने बताउनुभयो । उहाँले अहिले नेपाली पत्रकारिता दुषित भइरहेको भन्दै यस्तो बेला उहाँको व्यक्तित्व अनुकरणीय हुने बताउनुभयो । प्रतिष्ठानका अध्यक्ष गुप्तका छोरा विजय कुमार गुप्ताले स्वर्गीय गुप्त सादगीपूर्ण र निष्ठावान् व्यक्तित्व भएकाले पत्रकारहरुका लागि सधैं प्रेरणाको स्रोत रहिरहने विश्वास व्यक्त गर्नुभयो ।

स्मृतिसभामा लुम्बिनी प्रदेशका सांसद् विजय बहादुर यादव, जसपाका जिल्ला अध्यक्ष कमरुद्दिन राई, नेता लक्ष्मी नारायण बर्मा, प्रतिष्ठानका महासचिव शुक्रऋषि चौलागाईं, नेपाल प्रेस यनियनका बाँके शाखा अध्यक्ष अर्जुन ओली, प्रेस संगठनका अध्यक्ष डक्टप्रसाद धितालले स्वर्गीय गुप्तले देखाउनुभएको बाटोमा हिंड्न सक्नुपर्नेमा जोड दिनुभयो । स्वर्गीय गुप्त नेपाल प्रेस युनियन बाँकेका संस्थापक अध्यक्ष र नेपाल पत्रकार महासंघ बाँकेका पूर्व अध्यक्ष हुनुहुन्थ्यो ।

प्रकाशित मिति: बिहीबार, माघ १५, २०७७ १७:३२

प्रतिक्रिया दिनुहोस्