कालापानी क्षेेत्रका बासिन्दाले नेपालमै तिरो तिरेको प्रमाण भेटियो

समाचार

गृहपृष्ठ
समाचार
कालापानी क्षेेत्रका बासिन्दाले नेपालमै तिरो तिरेको प्रमाण भेटियो

कालापानी क्षेेत्रका बासिन्दाले नेपालमै तिरो तिरेको प्रमाण भेटियो

बिहीबार, मंसिर ५, २०७६ बागेश्वरी पोस्ट

काठमाडौं ।भारतले कालापानी आफ्नो भन्दै आइरहेको बेलामा केही तथ्य बाहिर आएको छ। उक्त कालापानी क्षेत्रका बासिन्दाले १९९५ मै तत्कालीन नेपाल सरकार मातहतका निकाय–व्यक्तिलाई बसोबासको तिरो तिरेको तथ्य पनि बाहिर आएको छ ।

तिरो तिरेको रसिद राष्ट्रिय अभिलेखालयमा सुरक्षित पाइएको छ । खोजीका क्रममा ८१ वर्ष पुरानो लगत आधारको तिरो रसिद प्राप्त भएको र भूमिसुधार मन्त्रालयले केही वर्षअघि अभिलेखालयलाई बुझाएको उल्लेख छ ।

राष्ट्रिय अभिलेखालयकी निर्देशक सौभाग्य प्रधानांगले बताएअनुसार, १९९५ असार १९ मा कालापानी क्षेत्रमा रहेका बासिन्दाले नेपाल सरकारका नाममा निश्चित अन्न वा पसाको तिरो बुझाएको प्रमाण भेटिएको जनाएको छ । त्यसमा हाल भारतीय पक्षबाट अतिक्रमित गुञ्जी (कुञ्जी) का बासिन्दाले पनि तिरो बुझाएको सूची देखिन्छ ।

तिरो प्रमाणमा हाल भारततर्फ पारिएका नावी र कुटी गाउँका बासिन्दाको नामसमेत उल्लेखख छ । तिरोस्वरुप केही बासिन्दाले मानापानी अन्न र केहीले पसा बुझाएको प्रमाण देखिन्छ ।कान्तिपुर दैनिकबाट साभार।

प्रकाशित मिति: बिहीबार, मंसिर ५, २०७६ ०९:१६