बाँकेको नरैनापुरमा दलित निगरानी केन्द्र भवनको शिलान्यास

समाचार

गृहपृष्ठ
समाचार
बाँकेको नरैनापुरमा दलित निगरानी केन्द्र भवनको शिलान्यास

बाँकेको नरैनापुरमा दलित निगरानी केन्द्र भवनको शिलान्यास

शनिबार, माघ १७, २०७७ बागेश्वरी पोस्ट

नरैनापुर । बाँकेको नरैनापुरमा दलित निगरानी केन्द्र भवनको शिलान्यास गरिएको छ । गाउँपालिकाले बनाउन लागेको भवनको अध्यक्ष इश्तियाक अहमद शाहले आज एक कार्यक्रमका बीच शिलान्यास गर्नुभयो ।

भवन निर्माणको ठेक्का सद्भाव निर्माण सेवा राप्तीसोनारी ४ ले पाएको छ । वडा नम्बर ४ खोदवाँमा भ्याटसहित १८ लाख ४२ हजार ६ सय ४८ रुपैयाँ चार पैसा लागतमा भवन निर्माण हुने गाउँपालिकाले जनाएको छ । आगामी जेठ १५ गतेसम्म भवन निर्माण सम्पन्न गर्ने लक्ष्य छ । तराई दलित विकास मञ्च बाँकेका अध्यक्ष मोलेह आर्यको अध्यक्षता एवम् गाउँपालिकाका अध्यक्ष शाहको प्रमुख आतिथ्यतामा शिलान्यास कार्यक्रम सम्पन्न भएको हो ।

शिलान्यास कार्यक्रममा अध्यक्ष शाहले दलितको विकास र उत्थानका लागि गाउँपालिका सदैव तत्पर रहने बताउनुभयो । गाउँपालिकाका योजना प्रमुख विजयकुमार यादवले दलितको इतिहासबारे बोल्दै उनीहरुको सम्मान र अवसरका लागि मार्ग प्रशस्त गर्नुुपर्ने धारणा राख्नुभयो । कार्यक्रमा दलित सेवा संघ बाँकेका अध्यक्ष कृष्ण बहादुर विके, दलित एकता संजाल नरैनापुरका अध्यक्ष नरेश चमार, दलित सेवा संघ नरैनापुरका अध्यक्ष सियाराम धोवी लगायतले बोल्नुभएको थियो ।