प्रतिनिधिसभा विघटन विरुद्ध बाँकेमा पनि कांग्रेसको प्रदर्शन

राजनीति

गृहपृष्ठ
राजनीति
प्रतिनिधिसभा विघटन विरुद्ध बाँकेमा पनि कांग्रेसको प्रदर्शन

प्रतिनिधिसभा विघटन विरुद्ध बाँकेमा पनि कांग्रेसको प्रदर्शन

सोमबार, माघ १९, २०७७ बागेश्वरी पोस्ट

नेपालगञ्ज । प्रतिनिधिसभा विघटन विरुद्ध बाँकेमा पनि प्रदर्शन गरिएको छ । नेपाली कांग्रेसका भ्रातृ संगठनहरुको आयोजनामा आज नेपालगञ्जमा प्रदर्शन गरिएको हो ।

प्रदर्शनपछि त्रिभुवनचोकमा आयोजित विरोधसभामा बोल्दै नेपाली कांग्रेस बाँकेका सभापति किरण कोइरालाले संविधान विपरित गरिएको असंवैधानिक र अलोकतान्त्रिक कदमका विरुद्ध कांग्रेस सडकमा आएको बताउनुुभयो । कोइरालाले संविधानमै नभएको अधिकार प्रयोग गरेर प्रधानमन्त्री केपी शर्मा ओलीले संसद् विघटन गरेकाले संविधानको रक्षार्थ कांग्रेस आन्दोलित भएको बताउनुुभयो ।

विरोधसभामा नेपाल दलित संघका केन्द्रिय उपाध्यक्ष कृष्ण रसाइली, तरुण दलका पूूर्व केन्द्रिय सदस्य सुदिपनरसिंह राणा, तरुण दल बाँकेका अध्यक्ष विरेन्द्र बहादुर शाह, नेविसंघका अध्यक्ष पूूर्णप्रसाद आचार्य, महिला संघकी अध्यक्ष नारायणी रुपाखेती, तरुण दल राप्तीसोनारी अध्यक्ष कुलबहादुर केसीले सम्बोधन गर्नुभएको थियो ।

विरोधसभा पूर्व पार्टी कार्यालय सुर्खेतरोडबाट निस्केको र्याली विपी चोक हुँदै त्रिभुवनचोक पुुगेको थियो । आज देशभर ७७ वटै जिल्लामा भ्रातृ संगठनहरुको आयोजनामा विरोध प्रदर्शन गरिएको छ ।

प्रकाशित मिति: सोमबार, माघ १९, २०७७ १५:०३

प्रतिक्रिया दिनुहोस्