रेडक्रसको संरचना रुपान्तरण हुने क्रममा छ–अध्यक्ष तिम्सिना

समाचार

गृहपृष्ठ
समाचार
रेडक्रसको संरचना रुपान्तरण हुने क्रममा छ–अध्यक्ष तिम्सिना

रेडक्रसको संरचना रुपान्तरण हुने क्रममा छ–अध्यक्ष तिम्सिना

मंगलबार, माघ २०, २०७७ बागेश्वरी पोस्ट

तस्बीरः प्रल्हाद विश्वकर्मा

नेपालगञ्ज । नेपाल रेडक्रस सोसाइटीका केन्द्रिय अध्यक्ष तथा पदाधिकारीहरुसंग अन्तरक्रिया कार्यक्रम नेपालगञ्जमा सम्पन्न भएको छ ।

कार्यक्रममा नेपाल रेडक्रस सोसाइटीका केन्द्रिय अध्यक्ष डा. नेत्रप्रसाद तिम्सिनाले नेपाल सरकारको संघीय ढाँचा अनुसारको नेपाल रेडक्रस सोसाइटीको संरचना रुपान्तरण हुने क्रममा रहेको बताउनुभयो । उहाँले यो अभियान बाँकेबाट नै शुरु भएको स्मरण गराउनुभयो । महामन्त्री पिताम्बर आर्यालले जोखिममा रहेका समुदायलाई सेवा दिँदै गरेको कारण रेडक्रसको पहिचान बढेको बताउँदै बाँके रेडक्रसले उदाहरणीय काम गरिरहेकोमा प्रंशसा गर्नुभयो ।

बाँके शाखाका सभापति गोवर्धनसिंह सम्झनाले शाखाको वर्तमान अवस्थाको बारेमा जानकारी गराउँदै रक्तसंचार सेवा केन्द्रको भवन जीर्ण अवस्थामा रहेकोले भवन निर्माणका लागि ध्यानाकर्षण गराउनुभयो । बाँके शाखाका उपसभापति शान्ति श्रेष्ठले रेडक्रसमा महिला सहभागिता बृद्धिमा जोड दिँदै रेडक्रसको गरिमालाई उच्च राख्न आग्रह गर्नुभयो ।

कार्यक्रममा नेपाल रेडक्रस सोसाइटीको केन्द्र, शाखा र उपशाखाका पदाधिकारी, सदस्य तथा कर्मचारीहरुको उपस्थिति रहेको थियो । कार्यक्रममा सम्पूर्ण गतिविधिको बारेमा बरिष्ठ जिल्ला शाखा अधिकृत दोलखबहादुर डाँगीले प्रस्तुति गर्नुभएको थियो ।

प्रकाशित मिति: मंगलबार, माघ २०, २०७७ १५:०४

प्रतिक्रिया दिनुहोस्