ओली समूहको सभाका लागि स्कर्टिङ गरेर मान्छे ल्याउन निर्देशन

राजनीति

गृहपृष्ठ
राजनीति
ओली समूहको सभाका लागि स्कर्टिङ गरेर मान्छे ल्याउन निर्देशन

ओली समूहको सभाका लागि स्कर्टिङ गरेर मान्छे ल्याउन निर्देशन

बिहीबार, माघ २२, २०७७ बागेश्वरी पोस्ट

काठमाडौं। नेपाल कम्युनिष्ट पार्टीको केपी ओली समूहले शुक्रवार काठमाडौंमा आयोजना गर्न लागेको सभामा सहभागीलाई ‘स्कर्टिङ’ गरेर भए पनि ल्याउन निर्देशन दिएको छ ।

बिहीबार नेकपाको प्रचण्ड(नेपाल पक्षले देशभर आम हडताल घोषणा गरेपछि शुक्रवारको सभामा सहभागी हुन आउने नेता कार्यकर्तालाई काठमाडौं भित्राउन गृहमन्त्री रामबहादुर थापाले ‘स्कर्टिङ’ गरेरै भए पनि ल्याउने व्यवस्था गर्न सुरक्षा निकायलाई निर्देशन दिएका हुन् । बुधवार गृह मन्त्रालयमा समसामयिक राजनीतिक अवस्था र सुरक्षा व्यवस्था लगायतका विषयमा सुरक्षा अंगका प्रमुखहरूसँग गृहमन्त्री थापाले छलफल गरेका थिए । सो क्रममा उनले सुरक्षा अंगलाई यस्तो निर्देशन दिएका हुन्।

गृह मन्त्रालयका प्रवक्ता चक्रबहादुर बुढाले भने शुक्रवारको कार्यक्रमलाई लिएर त्यस्तो छुट्टै प्लानिङ नभएको र सुरक्षाका विषयमा सुरक्षा निकायले नै आवश्यक व्यवस्थापन गर्ने जानकारी दिए । ‘सुरक्षा गतिविधिका विषयमा हुने नियमित छलफल भएको हो, शुक्रवार हुने कार्यक्रमलाई लिएर छुट्टै प्लानिङ बनाउने भन्ने कुरा होइन, सुरक्षाको व्यवस्थापन के कसरी गर्ने भन्ने काम सुरक्षा निकायबाटै हुन्छ ।’ गृह प्रवक्ता बुढाले हाम्राकुरासँग भने । तर गृहकै एक अधिकारीले भने उपत्यका बाहिरबाट कार्यक्रममा ठुलो संख्यामा सहभागी आउने भएकाले आवश्यक प्रबन्ध गर्न गृह मन्त्रीले भनेको बताए ।

‘उपत्यकाबाट ठुलो संख्यामा कार्यक्रमका लागि सहभागी आउँदै छन्, हडताल घोषणा भएकाले कसरी सहज रूपमा ल्याउन सकिन्छ सोचौं, स्कर्टिङ नै गरेर भए पनि ल्याउनु पर्छ भनेर गृहमन्त्री ज्यूले भन्नु भएको हो,’ ती अधिकारीले भने । प्रधानमन्त्री निकट नेकपाले शुक्रवार नारायणहिटी दरबार सङ्ग्रहालय अगाडी सडकमा सभाको आयोजना गर्दै छ ।

प्रधानमन्त्रीले यसअघि नै प्रचण्ड(नेपाल पक्षले गरेको सभामा सहभागीलाई लक्षित गर्दै, ‘प्रदर्शन कस्तो हुन्छ हेर्न २३ गते काठमाडौं आउनु’ भनेका थिए ।हाम्राकुराबाट

प्रकाशित मिति: बिहीबार, माघ २२, २०७७ १५:१९

प्रतिक्रिया दिनुहोस्