'टुर दि ठाकुरद्वारा'को तेस्रो संस्करण बागेश्वरी मन्दिरबाट शुरु

समाचार

गृहपृष्ठ
समाचार
'टुर दि ठाकुरद्वारा'को तेस्रो संस्करण बागेश्वरी मन्दिरबाट शुरु

'टुर दि ठाकुरद्वारा'को तेस्रो संस्करण बागेश्वरी मन्दिरबाट शुरु

शुक्रबार, माघ २३, २०७७ बागेश्वरी पोस्ट

नेपालगञ्ज । 'टुर दि ठाकुरद्वारा'को तेस्रो संस्करण शुरु भएको छ । नेपालगञ्जको बागेश्वरी मन्दिर परिसरबाट 'टुर दि ठाकुरद्वारा'को तेस्रो संस्करण शुरु भएको हो ।

'टुर दि ठाकुरद्वारा'को तेस्रो संस्करणको पर्यटन बोर्डका कार्यकारी निर्देशक धनन्जय रेग्मी, नेपालगञ्ज उपमहानगरपालिकाका मेयर डा. धवलशमशेर राणा र नाटाका केन्द्रिय अध्यक्ष अच्यूत गुरागाईले उद्घाटन गर्नुभयो । विश्व साइकलयात्री पुष्कर शाहको नेतृत्वमा १ सय ५० जना साइकल यात्री सहभागी भएको नेपालगञ्ज साइक्लिङ क्लबका अध्यक्ष गगन थापाले बताउनुभयो ।

नेपालगञ्ज बजारको परिक्रमापछि जानकी, खजुरा गाउँपालिका हुँदै बर्दियाको बढैयाताल, गुलरिया, डल्ला होमस्टे भएर ठाकुरद्वारा पुग्ने कार्यक्रम रहेको संयोजक सतिश निरौलाले जानकारी दिनुभयो । निरौलाका अनुसार भोलि विहान ठाकुरबाबा मन्दिरको दर्शन, बर्दिया राष्ट्रिय निकुञ्जको भ्रमण, कोठियाघाटस्थित नेपालकै लामो पुल घुमेर साँझ थारु सांस्कृतिक कार्यक्रम गरिनेछ । २५ गते बबई हुँदै सत्खलुवा तालको अवलोकन गर्दै बाँसगढी नगरपालिकामा रहेको ओम केदारेश्वर धाममा पुगेर ‘टुर दि ठाकुरद्वारा’ समापन हुनेछ ।

बाँके र बर्दियाका पर्यटकीय क्षेत्रको प्रचारप्रसारका लागि बर्षेनी ‘टुर दि ठाकुरद्वारा’ गरिँदै आइएको छ ।

प्रकाशित मिति: शुक्रबार, माघ २३, २०७७ १२:३५

प्रतिक्रिया दिनुहोस्