संवैधानिक परिषद्को बैठकबाट गरिएका नियुक्तिबारे सरकारका नाममा कारण देखाउ आदेश

समाचार

गृहपृष्ठ
समाचार
संवैधानिक परिषद्को बैठकबाट गरिएका नियुक्तिबारे सरकारका नाममा कारण देखाउ आदेश

संवैधानिक परिषद्को बैठकबाट गरिएका नियुक्तिबारे सरकारका नाममा कारण देखाउ आदेश

शुक्रबार, माघ २३, २०७७ बागेश्वरी पोस्ट

फाइल फोटो

काठमाण्डौ । सर्वोच्च अदालतले संवैधानिक परिषद्को बैठकबाट गरिएका नियुक्तिबारे सरकारका नाममा कारण देखाउ आदेश जारी गरेको छ । सर्वोच्च अदालतले संवैधानिक निकायमा गरिएका नियुक्तिबारे आज सरकारका नाममा कारण देखाउ आदेश जारी गरेको हो ।

वरिष्ठ अधिवक्ता डा. दिनेश त्रिपाठीले गत मंगलबार संविधानको प्रतिकुल हुने गरी सरकारले अध्यादेश ल्याएर संवैधानिक परिषद्को बैठक बसी विभिन्न संवैधानिक आयोगमा नियुक्तिका लागि गरेको सिफारिस असंवैधानिक भएको दाबीसहित नियुक्ति बदर गर्न र उनीहरूलाई काम गर्न रोक लगाउन माग गर्दै रिट दायर गर्नुभएको थियो । रिटमाथि आज न्यायाधीश कुमार रेग्मीको एकल इजलासमा प्रारम्भिक सुनुवाई भएको थियो । इजलासले सरकारलाई १५ दिनभित्र लिखित जवाफ दिन निर्देशन दिएको हो ।

रिट निवेदकका तर्फबाट निवेदक डा.त्रिपाठी, वरिष्ठ अधिवक्ता शम्भु थापा र अधिवक्ता ओमप्रकाश अर्यालले बहस गर्नुभएको थियो। रिट दायर गरिएको भोलिपल्ट नै गत बुधवार राष्ट्रपतिले ११ विभिन्न संवैधानिक निकायका ३२ विभिन्न पदमा पदाधिकारीसहित सदस्य नियुक्त गर्नुुभएको थियो। त्यसै दिन नै उनीहरूलाई शपथ खुवाइएको थियो । संवैधानिक परिषद् बैठकले मंसिर ३० विभिन्न संवैधानिक निकायमा पदाधिकारी तथा सदस्य नियुक्त गर्न सिफारिस गरेको थियो ।

प्रकाशित मिति: शुक्रबार, माघ २३, २०७७ १६:१६

प्रतिक्रिया दिनुहोस्