नेपालगञ्ज ९ का वडाध्यक्ष लामाको निधनमा शोकसभा

समाचार

गृहपृष्ठ
समाचार
नेपालगञ्ज ९ का वडाध्यक्ष लामाको निधनमा शोकसभा

नेपालगञ्ज ९ का वडाध्यक्ष लामाको निधनमा शोकसभा

शुक्रबार, माघ २३, २०७७ बागेश्वरी पोस्ट

नेपालगञ्ज । उपचारको क्रममा विहिबार राजधानीको मेडिसिटी अस्पतालमा निधन हुनुभएका नेपालगञ्ज उपमहानगरपालिका वडा नम्बर ९ का वडाध्यक्ष बिष्णुबहादुर लामाको आज अन्तिम विदाई गरिएको छ । नेपालगञ्ज उपमहानगरपालिकाको आयोजनामा कार्यालयमा श्रद्धाञ्जली सभा सहित स्व.लामाको अन्तिम विदाई गरिएको हो ।

श्रद्धाञ्जली सभामा नेपालगञ्ज उपमहानगरपालिकाका मेयर डा. धवलशम्शेर राणाले लामाको निधनबाट नेपालगञ्जले लोकप्रिय र अनुभवी जनप्रतिनिधि गुमाएको बताउनुभयो । उपमेयर उमा थापा मगरले स्व.लामा नेपालगञ्जको विकास र समृद्धिको पक्षमा सदैब क्रियाशील रहँदै आएको बताउनुभयो । लामाको उपचारमा उपमहानगरपालिका, जनप्रतिनिधि र कर्मचारीका तर्फबाट सक्दो सहयोग गरिएको उहाँले जानकारी दिनुभयो ।

नेकपा बाँकेका सचिव अशोक कोइरालाले स्व.लामाको नेतृत्वमा वडामा निर्माणाधीन विकास निर्माण लगायतका अन्य कामहरुले पूर्णता पाउनुु नै लामाप्रति सच्चा श्रद्धाञ्जली हुने बताउनुभयो । वडा सदस्य रमेश तिमिल्सेनाले लामाको अभिभावकत्वमा आफूूहरु वडाबासीको काममा खटिँदै आएको भन्दै वडाबासीले असल अभिभावक गुमाएको बताउनुभयो ।

मेयर राणा, उपमेयर थापा मगर, प्रमुख प्रशासकीय अधिकृत ओमवहादुर खड्का, वडा अध्यक्ष लगायत जनप्रतिनिधि, कर्मचारी लगायतले स्व. लामाको शवमा माल्र्यापणसहित अन्तिम विदाई गर्नुभयो । लामाको निधनप्रति शोक मनाउँदै आज नेपालगञ्ज उपमहानगरपालिका तथा वडा कार्यालयमा अत्यावश्यक बाहेकका कामकाज बन्द भएको छ ।

प्रकाशित मिति: शुक्रबार, माघ २३, २०७७ १७:०५

प्रतिक्रिया दिनुहोस्