संसद् विघटन विरुद्ध नेपालगञ्जमा कांग्रेसका सुभेच्छुक संगठनहरुको विरोध प्रदर्शन

राजनीति

गृहपृष्ठ
राजनीति
संसद् विघटन विरुद्ध नेपालगञ्जमा कांग्रेसका सुभेच्छुक संगठनहरुको विरोध प्रदर्शन

संसद् विघटन विरुद्ध नेपालगञ्जमा कांग्रेसका सुभेच्छुक संगठनहरुको विरोध प्रदर्शन

शनिबार, माघ २४, २०७७ बागेश्वरी पोस्ट

नेपालगञ्ज । प्रतिनिधिसभा विघटन विरुद्ध बाँकेमा पनि कांग्रेसका सुभेच्छुक संघ संगठनहरुले विरोध प्रदर्शन गरेका छन् । नेपाल ट्रे्ड युनियन कांग्रेस बाँकेको नेतृत्वमा भएको विरोध प्रदर्शन सुर्खेतरोडस्थित पार्टी कार्यालयबाट शुरु भई विपीचोकमा पुगेर समापन भएको थियो ।

विपीचोकमा आयोजित सभामा बोल्दै नेपाल ट्रे्ड युनियन कांग्रेस बाँकेका अध्यक्ष रामबहादुर मल्लले संविधान विपरित गरिएको प्रतिनिधिसभा विघटन असंवैधानिक र अलोकतान्त्रिक भएको बताउनुभयो । संविधानमा हुँदै नभएको अधिकार प्रयोग गरी प्रधानमन्त्री केपी शर्मा ओलीले स्वेच्छाचारी ढंगले संसद् विघटन गरेकाले पार्टीको केन्द्रिय सर्कुलर अनुसार आफूहरु विरोध प्रदर्शनमा उत्रिएको बताउनुभयो ।

विरोध प्रदर्शनमा नेपाली कांग्रेस बाँकेका सभापति किरण कोइराला, लुम्बिनी प्रदेशका सांसद्द्वय सुरेन्द्र हमाल र मोहम्मद याकुव अन्सारी लगायत नेता कार्यकर्ता एवम् सुभेच्छुक संघसंगठन आवद्धहरुको उपस्थिति थियो । विरोध प्रदर्शन पश्चात् असंवैधानिक कदमका विरुद्ध विपीचोकमा पाँच मिनेट मौनधारण समेत गरिएको नेपाल ट्रे्ड युनियन कांग्रेस बाँकेका सचिव तोजिन्द्र बहादुर विकेले जानकारी दिनुभयो ।
No description available.