शेरधन राईलाई जोगाउन सत्तापक्ष नै प्रदेशसभा रोक्ने रणनीतिमा

राजनीति

गृहपृष्ठ
राजनीति
शेरधन राईलाई जोगाउन सत्तापक्ष नै प्रदेशसभा रोक्ने रणनीतिमा

शेरधन राईलाई जोगाउन सत्तापक्ष नै प्रदेशसभा रोक्ने रणनीतिमा

आइतबार, माघ २५, २०७७ बागेश्वरी पोस्ट

मुख्यमन्त्री शेरधन राई

विराटनगर । प्रदेश नं १ को प्रदेशसभा बैठक आइतबार बस्दैछ । बैठकमा मुख्यमन्त्री शेरधन राईविरुद्ध अविश्वासको प्रस्ताव दर्ता भएसँगै उनको कुर्सी जोगाइराख्न उनी निकटका सांसदहरुले नै प्रदेशसभा बैठक हुन नदिने रणनीति लिएको बताइएको छ ।

नेकपा दुई समूहमा विभाजित भएपछि ओली समूहका राईविरुद्ध प्रचण्ड–नेपाल समूहले प्रदेश सरकारविरुद्ध अविश्वास प्रस्ताव दर्ता गरेको थियो । तर यसअघिको बैठक तीन मिनेटमै टुङ्गिएको थियो ।

यो बैठक पनि टार्नका लागि अनेक प्रयत्न भइरहेको बताइएको छ । प्रधानमन्त्रीको सिफारिसमा राष्ट्रपतिबाट संसद विघटन भएपछि नेकपा व्यवहारिक रुपमा दुई समूहमा विभाजित भएसँगै प्रचण्ड–नेपाल पक्षका ३७ सांसदले राईविरुद्ध अविश्वासको प्रस्ताव दर्ता गराएका थिए । यसअघि माघ ७ गते प्रदेशसभाको हिउँदे अधिवेशन शुरु भएको भए पनि तीन मिनेट मात्र बसेर स्थगित गरिएको थियो ।

प्रचण्ड–नेपाल पक्षले राईलाई हटाएर भीम आचार्यलाई मुख्यमन्त्रीमा प्रस्ताव गरेको छ । सभामुखले प्रदेशसभा बैठक डाकेपछि अताल्लिएको ओली समूह मुख्यमन्त्री राईलाई टिकाइराख्न कुनै पनि हालतमा अविश्वास प्रस्ताव टेबुल गराउन नदिने रणनीतिमा देखिएको छ ।

प्रकाशित मिति: आइतबार, माघ २५, २०७७ १०:०३

प्रतिक्रिया दिनुहोस्