प्रचण्ड-नेपाल समूहको प्रदर्शनले काठमाडौंमा ट्राफिक जाम

राजनीति

गृहपृष्ठ
राजनीति
प्रचण्ड-नेपाल समूहको प्रदर्शनले काठमाडौंमा ट्राफिक जाम

प्रचण्ड-नेपाल समूहको प्रदर्शनले काठमाडौंमा ट्राफिक जाम

बुधबार, माघ २८, २०७७ बागेश्वरी पोस्ट

फाइल फोटो

काठमाडौ। आज बिहान १० बजेदेखि नै काठमाडौ उपत्यकाको ट्राफिक अस्तव्यस्त बनेको छ ।नेकपाको प्रचण्ड-नेपाल समूहले आज काठमाडौंमा गर्ने प्रदर्शनका कारण बिहान काठमाडौं उपत्यकामा सवारी आवागमन सामान्य रहेपनि ९ः३० पछि सवारी साधनको चाप बढेको महानगरीय ट्राफिक प्रहरी महाशाखाले जनाएको छ ।

महाशाखाका प्रवक्ता श्यामकृष्ण अधिकारीका अनुसार जुलुसका कारण सवारी साधनको चाप बढेको बताए । जुलुसलाई मध्यनजर गर्दै रिङरोड भित्रका सडकहरुमा ठूला सवारी साधनलाई प्रवेश निषेध गरिएको जानकारी गराए । उनले भने,‘आज जुलुश र भिभिआइपीहरुको ओहोरदोहोर हुने भएकाले रिङरोड भित्रका सडकहरुमा साना सवारी साधनलाई मात्र प्रवेश दिएका छौं, ठूला ट्रक-बसजस्ता सवारी साधनलाई रिङरोड बाहिर मात्र ओहोरदोहोर गर्न निर्देश गरिसकेका छौं ।’

कलंकी, कोटेश्वर, महाराजगन्ज, बानेश्वर, पुल्चोक, त्रिपुरेश्वर, माइतीघर, पुतलीसडक लगायतका क्षेत्रमा सवारी जाम शुरु भइसकेको छ ।

११ बजेदेखि नेकपाको जुलुस शुरु भएकाले पुल्चोक, त्रिपुरेश्वर, माइतीघर, जमललगायतका क्षेत्रमा ट्राफिक अस्तव्यस्त बनेको छ ।

प्रकाशित मिति: बुधबार, माघ २८, २०७७ ११:०८

प्रतिक्रिया दिनुहोस्