तुलसीपुर उधोग बाणिज्य संघको निर्वाचन सुरु

राजनीति

गृहपृष्ठ
राजनीति
तुलसीपुर उधोग बाणिज्य संघको निर्वाचन सुरु

तुलसीपुर उधोग बाणिज्य संघको निर्वाचन सुरु

अहिलेसम्म झन्डै साढे तीन सय मत खस्यो

शनिबार, फागुन १, २०७७ बागेश्वरी पोस्ट

दाङ । तुलसीपुर उद्योग बाणिज्य संघको आज बिहानदेखि मतदान भएको छ ।बाणिज्य संघमा एक हजार आठ सय आठ जना ब्यबसायीले नेतृत्व चुन्नका लागि मताधिकार पाएका छन् ।उनीहरुकै मतले आगामी तीन बर्षका लागि नयाँ नेतृत्व चयन गर्ने छ ।

तुलसीपुर बजारस्थित संघको कार्यालयमा बिहान ८ बजेर १० मिनेटमा संस्थापक अध्यक्ष डिल्लीबहादुर बस्नेतले मतदान गरेका थिए । उनैको पहलमा बिक्रम संवत २०४९ सालमा तुलसीुपर उद्योग बाणिज्य संघ स्थापना भएको हो ।बस्नेतले मतदान गरेपछि पूर्वअध्यक्षहरु चिरिञ्जिबी रिजाल, उत्तमकुमार श्रेष्ठ, बिमल रिजाल, वर्तमान अध्यक्ष बिरबहादुर देखी(बिरु) लगाएतले मतदान गरेका थिए ।

ब्यापारीको नेता चुन्न नेपाली काँग्रेसका नेता तथा संविधानसभा सदस्य बुद्धिराम भण्डारीले पनि मतदान गरि सकेका छन् । निकै उत्साहाका साथ ब्यबसायीहरु नेतृत्व नयाँ नेतृत्व चुन्नका लागि मतदानमा सरिक भएका छन् । यो खबर तयार पार्दासम्म बिहान साढे ९ बजेसम्म झन्डै साढे तीन सयको हाराहारीमा मत खसि सकेको निर्वाचन संयोजक प्रबिण लम्सालले जानकारी दिए । बिहान ८ बजेदेखि बेलुका ४ बजेसम्म मतदानको समय तोकिएको छ ।

यो निर्वाचनमा नेपाली काँग्रेस समर्थित प्रजातान्त्रिक प्यानलको नेतृत्व पूर्व अध्यक्ष टेकनप्रशाद बस्नेत (हिमाल) र नेपाल कम्युनिष्ट पार्टी (नेकपा) समर्थित बामपन्थी प्यानलको नेतृत्व संघका निबर्चमान बरिष्ठ उपाध्यक्ष रामप्रशाद चालिसेले गरेका छन् । त्यो बाहेक महासचिव, कोषाध्यक्ष लगाएतका पदहरुमा स्वतन्त्र उम्मेदवारी पनि परेको छ ।नेपाली काँग्रेसको प्रजातान्त्रिक प्यानलका दूई जना सदस्य भने यसअघि नै निर्विरोध निर्वाचित भइसकेका छन् ।

प्रकाशित मिति: शनिबार, फागुन १, २०७७ १०:१४

प्रतिक्रिया दिनुहोस्