पोलहरु रङरोगन गर्न उप-प्रमुख थापा मगर आफै सडकमा

समाचार

गृहपृष्ठ
समाचार
पोलहरु रङरोगन गर्न उप-प्रमुख थापा मगर आफै सडकमा

पोलहरु रङरोगन गर्न उप-प्रमुख थापा मगर आफै सडकमा

शुक्रबार, मंसिर ६, २०७६ बागेश्वरी पोस्ट

नेपालगञ्ज । नेपालगञ्जमा सडकका पोलहरुमा रंगरोगन गर्न नेपालगञ्जकी उपप्रमुख उमा थापा मगर आफै सडकमा खटिएकी छिन्।

'थोरै राम्रो गरौँ अभियान' सुरु गरौ भन्ने अभियानका साथ बागेश्वरी असल शासन क्लवको आयोजनामा नेपालगञ्जकी उपप्रमुख थापा मगरले अभियानको नेपालगञ्जको विपी चोक बाट सुभारम्भ गर्नुभएको छ।

विजुलीका पोलमा जथाभावी टाँसिएका पोस्टर उप्काएर रंगरोगन गरि अभियानको सुभारम्भ गर्दै उपप्रमुख थापाले यसलाई निरन्तरता दिन सुझाव दिनुभयो । बासका कार्यकारी निर्देशक नमस्कार शाहका अनुसार अभियान अन्तर्गत पहिलो चरणमा विपीचोकदेखि धम्बोझीसम्म सडक दायाबाया विजुलीका पोलमा जथाभावी टाँसिएका पोस्टर पम्पलेट उम्काएर रंगरोगन गरिनेछ ।

यो अभियान जथाभावी फोहर नगरौ, शहरलाई सफ राखौँ भन्ने उद्धेश्यले संचालन गरिएको हो, कार्यकारी निर्देशक शाहले भन्नुभयो,– अभियान अन्तर्गत रातीको समयमा विद्युत पोलमा सरसफाई तथा रंगरोगन गरिने छ भने अनुमति बिना राखिएका होडिङबोर्ड समेत हटाइनेछ ।