अवधि पत्रकार संघको भवन निर्माणका लागि सहयोगको प्रतिबद्धता

समाचार

गृहपृष्ठ
समाचार
अवधि पत्रकार संघको भवन निर्माणका लागि सहयोगको प्रतिबद्धता

अवधि पत्रकार संघको भवन निर्माणका लागि सहयोगको प्रतिबद्धता

शनिबार, फागुन १, २०७७ बागेश्वरी पोस्ट

नेपालगन्ज । अवधि पत्रकार संघ नेपालको भवन निर्माण कार्यले तिब्रता पाउने भएको छ । संघको आज सम्पन्न भएको भेला तथा प्रशिक्षण कार्यक्रमले भवन निर्माण कार्यलाई तिब्रता दिने निष्कर्ष निकालेको हो । भेलामा सहभागी अतिथिहरूले संघको भवन निर्माणका लागि सहयोग गर्ने प्रतिबद्धता जनाएपछि संघले भवन निर्माण कार्यलाई तिब्रता दिने निष्कर्ष निकालेको हो । डुडुवा गाउँपालिका वडा नम्बर ५ कम्दीमा भएको भेलामा ३ जना दाताहरुले भवन निर्माणका लागि आवश्यक सहयोग गर्ने प्रतिबद्धता जनाएका छन् । नरैनापुर गाउँपालिका अध्यक्ष मोहम्मद इस्तियाक अहमद शाह , पत्रकार जयसिंह केसी, नेपालगन्ज उद्योग वाणिज्य संघका निवर्तमान अध्यक्ष तथा कसौधन वैश्य समाजका अध्यक्ष नन्दलाल वैश्यले आर्थिक तथा भौतिक सहयोग गर्ने प्रतिबद्धता जनाउनुभएको छ । यस बाहेक प्रेस मञ्चका अध्यक्ष आशिष गुप्ताले समेत भवन निर्माणका लागि सक्दो सहयोग गर्ने प्रतिबद्धता जनाउनुभएको छ । संघको विकासका लागि अध्यक्ष शाह तथा पत्रकार केसीले ५१/५१ हजार नगद र बैश्यले हुन सक्ने सहयोग गर्ने प्रतिबद्धता जनाउनुभएको हो । भेलामा बोल्दै नरैनापुर गाउँपालिका अध्यक्ष शाहले गाउँपालिकाबाट समेत आवश्यक सहयोग गर्ने प्रतिबद्धता जनाउनुभयो । यससँगैै संघले संस्थागत विकास, अवधि भाषी पत्रकार र समुदायको उत्थानका लागि सक्रियता देखाउनुपर्नेमा शाहले जोड दिनुभयो । संघका केन्द्रिय अध्यक्ष राकेश मिश्रले प्रेस स्वतन्त्रता सेनानीद्वय पन्नालाल गुप्त र राम गोपाल बैश्यको स्मृतिमा पन्ना, रामगोपाल अवधि पत्रकारिता पुरस्कारका लागि अक्षय कोष स्थापना गरेको जानकारी गराउँदै कोषमा आफूले ११ हजार सहयोग गर्ने प्रतिबद्धता जनाउनुभयो । साथै उहाँले सो अक्षय कोषका लागि सबैलाई सहयोग गर्न अनुरोध समेत गर्नुभएको छ ।

प्रकाशित मिति: शनिबार, फागुन १, २०७७ २१:०१

प्रतिक्रिया दिनुहोस्