परीक्षा दिन गएकी १५ वर्षीया किशोरी बेपत्ता

समाचार

गृहपृष्ठ
समाचार
परीक्षा दिन गएकी १५ वर्षीया किशोरी बेपत्ता

परीक्षा दिन गएकी १५ वर्षीया किशोरी बेपत्ता

सोमबार, फागुन ३, २०७७ बागेश्वरी पोस्ट

नेपालगन्ज। परीक्षा दिन बिधालय गएकी १५ वर्षीया किशोरी सम्पर्कविहीन भएकी छन् ।

मोरङको सुन्दरहरैचा नगरपालिका ४ कि १५ वर्षीया सविना दर्जी माघ २५ परीक्षा दिन गएपछि घर फर्किएकी छैनन् । स्थानीय साजिलाल माध्यमिक विद्यालयमा १० कक्षामा पढ्ने उनी विहान करिब साढे १० बजे परीक्षा दिन गएकी थिइन् ।

विद्यालयमा गएर साथी र आफन्तसँग सोधीखोजी गर्दा केही कतै नभेटिएको उनका बुवा सुबासले बताए । घर परिवारले छोरी हराएको भोलिपल्ट इलाका प्रहरी कार्यालय बेलबारीमा उजुरी दिएको उनले बताए । प्रहरीले पनि खोजी बारे परिवारलाई जानकारी गराएको छैन ।

परिवारका अनुसार छोरी परीक्षा दिन विद्यालय प्रवेश गरेलगतै निस्किएको सीसी क्यामेरामा देखिएको छ । तर त्यसपछि कतै देखिएकी छैनन् । ‘साथीभाइ आफन्त सबै तिर खोजीसक्यौं तर कतै भेटेनौं,’उनका बुवा सुबासले भने ‘छोरी खोज्दा खोज्दै थाकिसक्यौं हामी ।’ सुवासका ४ छोरी र एक छोरा छन् । बेपत्ता भएकी छोरी कान्छी हुन् ।

जिल्ला प्रहरी कार्यालय मोरङका प्रहरी उपरीक्षक सन्तोष खड्काले किसोरीको खोजी कार्य जारी रहेको बताए । इलाका प्रहरी कार्यालय बेलबारीका अनुसार बेपत्ता किसोरीले मोबाइल र सामाजिक सञ्जाल प्रयोग नगर्ने भएका कारण खोजी गर्न कठिनाइ भएको छ ।अनलाइनखबरबाट।

प्रकाशित मिति: सोमबार, फागुन ३, २०७७ १०:५८

प्रतिक्रिया दिनुहोस्