बैशाखमा चुनाव हुँदैन, महाधिवेशनमा लागौं : शशांक कोइराला

राजनीति

गृहपृष्ठ
राजनीति
बैशाखमा चुनाव हुँदैन, महाधिवेशनमा लागौं : शशांक कोइराला

बैशाखमा चुनाव हुँदैन, महाधिवेशनमा लागौं : शशांक कोइराला

सोमबार, फागुन ३, २०७७ बागेश्वरी पोस्ट

दाङ । नेपाली काँग्रेसका महामन्त्री डा.शशांक कोइरालाले केपी शर्मा ओली नेतृत्वको सरकारले वैशाखमा चुनाव गर्ने सम्भावना नरहेको भन्दै काँग्रेस आफ्नो महाधिवेशनमा केन्द्रित हुनुपर्ने बताउनुभएको छ ।

प्रतिनिधिसभा विघटनको विरुद्धमा आज दाङको घोराहीमा नेपाली कांग्रेस दाङले आयोजना गरेको विरोधसभालाई सम्वोधन गर्दै महामन्त्री डा.कोइरालाले काँग्रेसको ध्यान अब महाधिवेशनमा केन्द्रित हुनुपर्ने बताउनुभयो । महाधिबेशनबाट पार्टी नेतृत्व परिवर्तन गरेर काँग्रेसलाई आउने चुनावमा एक ढिक्का बनाएर लैजानुपर्ने कोइरालाको भनाई छ । । चुनाव भएपनि मंसिर पुसतिर हुने भन्दै महामन्त्री कोइरालाले अब काँग्रेस पार्टीको महाधिवेशनतर्फ लाग्नुपर्नेमा जोड दिनुभयो ।

No description available. कोइरालाले कम्युनिष्टहरुका पछिल्ला गतिविधिले मुलुकको नेतृत्व उनीहरुले गर्न सक्दैनन् भन्ने प्रमाणित भएको जिकिर गर्नुभयो । कोइरालाले कम्युनिष्टसँग मिलेर आन्दोलन गर्न नहुने तर संसद् विघटन विरुद्धको आन्दोलनमा भने काँग्रेस होमिएको वताउनुभयो । उहाँले दाङको विकास गर्ने जिम्मा पूर्व मन्त्री तथा कांग्रेसका केन्द्रिय सदस्य दिपक गिरीको काँधमा आएको भन्दै गिरीलाई पार्टीका केन्द्रिय कार्यक्रम बाहेक अरु सबै समय दाङमा कांग्रेसलाई मिलाउन र कांग्रेसका नेता कार्यकर्तासंग जोडिएर लाग्न आग्रह गर्नुभयो ।

विरोधसभालाई सम्बोधन गर्दै गिरीले आफू १० महिने मन्त्रीको वेला दाङको धेरै विकास गरेको चर्चा गर्दै अहिले कम्युनिष्टले विगतमा कांग्रेस नेता खुमबहादुर खड्कासहित आफूूले गरे जति विकास गर्न नसकेको बताउनुभयो । उहाँले आफूूले विकास गरेको कुुरालाई लुम्बिनी प्रदेशका मुख्यमन्त्री शंकर पोखरेलले आफूूले गरे जसरी भजाएको आरोप लगाउँदै पश्चिम दाङमा आफू मन्त्री हुँदा सुरु गरेको आयोजनालाई उद्घाटन गरेर कम्युनिष्टले आफ्नो चरित्र उदाङ्गो पारेको वताउनुभयो ।

No description available. उहाँले नाटकीय र षड्यन्त्रमूूलक ढङ्गबाट कम्युनिष्टले विकासको भ्रम छरेको भन्दै अहिले पुराना राजावादी र पुराना कम्युनिष्टलाई एउटै जिम्मेवारी दिँदा सच्चा कम्युनिष्ट नेता कार्यकर्तामाथि अपमान भएको टिप्पणी गर्नुभयो । राष्ट्रियसभा सदस्य कोमल वलीको नाम नलिई नेता गिरीले उहाँप्रति लक्षित गर्दै कम्युनिष्टका पुराना नेता र राजाको शासनकालमा बिष्णुको अवतार भन्दै जयजयकार गर्नेले अवसर पाउनु कम्युनिष्टका लागि लज्जाको बिषय बनेको धारणा राख्नुभयो । उहाँले तुलसीपुर उपमहानगरपालिकाका मेयर घनश्याम पाण्डेको छोराले घोराही तुलसीपुरको फोरलेन सडकको ठेक्का पाएर पनि समयमै सडक बनाउनुपर्नेमा नबनाएर जनतालाई धुलो खुवाएको आरोप लगाउनुभयो ।
No description available.