प्रचण्ड-नेपालले कांग्रेससंग मिलेर आन्दोलन गर्ने तयारी गर्दै

राजनीति

गृहपृष्ठ
राजनीति
प्रचण्ड-नेपालले कांग्रेससंग मिलेर आन्दोलन गर्ने तयारी गर्दै

प्रचण्ड-नेपालले कांग्रेससंग मिलेर आन्दोलन गर्ने तयारी गर्दै

मंगलबार, फागुन ४, २०७७ बागेश्वरी पोस्ट

फाइल फोटो

नेपालगन्ज। नेकपाको प्रचण्ड–नेपाल समूहले नेपाली कांग्रेससँग संयुक्त रुपमा आन्दोलनमा जाने तयारी गरेको छ।

प्रचण्ड- नेपाल समूहका अध्यक्ष पुष्पकमल दाहालले गृहजिल्ला चितवनमा पत्रकारहरुसँग कुरा गर्दै प्रचण्डले प्रतिनिधिसभा विघटनविरुद्ध अब एक्लै नभई संयुक्त रुपमा आन्दोलन गर्न प्रमुख प्रतिपक्षी दल नेपाली कांग्रेसका सभापति शेरबहादुर देउवासँग छलफल गरिरहेको बताए।

दहालले जनता समाजवादी पार्टी नेपालसहितका दलहरुसँग समेत छलफल भइरहेको जानकारी दिएका छन् । प्रधानमन्त्री एवं नेकपा ओली समूहका अध्यक्ष केपी शर्मा ओली असंवैधानिक बनेको भन्दै बैशाखमा चुनाव नहुने उनले ठोकुवा गरे । उनले प्रतिनिधिसभा पुनस्र्थापना हुने विश्वास व्यक्त गरे ।

उनले सर्वोच्च अदालतमा विचाराधीन मुद्दाले सही निर्णय गर्ने आशा पनि राखेको बताएका छन् । कांग्रेसले पनि ओलीको संसद विघटनलाई असंवैधानिक कदम भनेको छ । तर दलहरु छुट्टाछुट्टै विभिन्न चरणमा आन्दोलनमा छन् ।अब एक जुट भएर कडा आन्दोलन गर्ने उनले बताए।

प्रकाशित मिति: मंगलबार, फागुन ४, २०७७ १३:३१

प्रतिक्रिया दिनुहोस्