चुनावको टुुंगो छैन, कांग्रेस अब महाधिवेशनको तयारीमा लाग्छः महामन्त्री डा.कोइराला

राजनीति

गृहपृष्ठ
राजनीति
चुनावको टुुंगो छैन, कांग्रेस अब महाधिवेशनको तयारीमा लाग्छः महामन्त्री डा.कोइराला

चुनावको टुुंगो छैन, कांग्रेस अब महाधिवेशनको तयारीमा लाग्छः महामन्त्री डा.कोइराला

मंगलबार, फागुन ४, २०७७ बागेश्वरी पोस्ट

नेपालगञ्ज । नेपाली कांग्रेसका महामन्त्री डा.शशांक कोइरालाले पार्टी अब महाधिवेशनको तयारीमा लाग्ने बताउनुभएको छ । नेपाली कांग्रेस बाँकेले आज नेपालगञ्जमा आयोजना गरेको कार्यकर्ता भेटघाटलाई सम्बोधन गर्दै महामन्त्री डा.कोइरालाले चुनाव हुने वा संसद् पुनःस्थापना हुने कुनै टुुगो नभएकाले अब कांग्रेस महाधिवेशनको तयारीमा जुट्ने बताउनुभयो ।

कोइरालाले भन्नुभयो, "चुनाव हुने टुंगो छैन, अदालतले के फैसला गर्छ थाहा छैन, अब हामी महाधिवेशनको तयारीमा लाग्नुपर्छ, छिटो भन्दा छिटो क्रियाशील सदस्यहरुको नामावली केन्द्रमा पठाइदिनुस् हामी जति सकिन्छ चाँडो महाधिवेशन गर्छौं ।" उहाँले कांग्रेसलाई आन्दोलन वा चुनावमा कसैसंग मिलेर जानुपर्ने अवस्था नरहेको जिकिर गर्नुभयो । "हामी कसैको पक्षमा उभिनुपर्दैन, हामी बलियो छौं, सक्षम छौं, हाम्रो अत्यन्त राम्रो इतिहास छ, विचार छ, न हामीलाई केपी ओली न त प्रचण्ड माधव पक्षसंग उभिनुपर्छ," कोइरालाले भन्नुुभयो ।

चितवनमा तत्कालीन माओवादीसंग मिलेर कांग्रेसले इतिहासमै ठूलो भूल गरेको टिप्पणी गर्दै उहाँले कांग्रेस एकताबद्ध भएर गए जोसकै मिले पनि हराउन नसक्ने ठोकुवा गर्नुभयो । "कांग्रेसले हार्ने अन्तर्घातले मात्र हो," कोइरालाले भन्नुभयो । केन्द्रिय सदस्य डा.मिनेन्द्र रिजालले संविधान जोगाएर मात्र कांग्रेस चुनावमा जाने बताउनुभयो । उहाँले पहिलो पुस्ताका नेताहरुले अब दोस्रो पुस्ताका लागि मार्ग प्रशस्त गर्नुपर्ने अवस्था आएको डा.रिजालको भनाई छ ।

No description available.

कार्यक्रममा केन्द्रिय सदस्यहरु दिपक गिरी, पार्वती डिसी चौधरी, आमन्त्रित केन्द्रिय सदस्य कृष्णकिशोर घिमिरे लगायतका नेताहरुको उपस्थिति थियो । कार्यक्रम जिल्ला सभापति किरण कोइरालाको सभापतित्वमा सम्पन्न भएको थियो । कार्यक्रमको सञ्चालन सचिव कपिलदेव शर्माले गर्नुभएको थियो ।

No description available.