अवहेलना मुद्दामा लिखित जवाफ पेश गरेर प्रधानमन्त्री सर्वोच्च अदालतबाट फिर्ता

राजनीति

गृहपृष्ठ
राजनीति
अवहेलना मुद्दामा लिखित जवाफ पेश गरेर प्रधानमन्त्री सर्वोच्च अदालतबाट फिर्ता

अवहेलना मुद्दामा लिखित जवाफ पेश गरेर प्रधानमन्त्री सर्वोच्च अदालतबाट फिर्ता

बिहीबार, फागुन ६, २०७७ बागेश्वरी पोस्ट

प्रधानमन्त्री केपी शर्मा ओली

नेपालगञ्ज । अवहेलना सम्बन्धि मुद्दामा सर्वोच्च अदालत समक्ष लिखित जवाफ पेश गरेर प्रधानमन्त्री केपी शर्मा ओली फर्कनुभएको छ ।

लिखित जवाफ दिन पौने १२ बजे अदालत पुग्नुभएका ओली १५ मिनेटमा जवाफ बुझाएर फर्किएको प्रधानमन्त्रीको सचिवालयले जनाएको छ । इजलासले वारेस अनुमति नदिएका कारण प्रधानमन्त्री ओली आफैं उपस्थित हुनुभएको हो । प्रतिनिधिसभा विघटन विरुद्धको मुद्दामा बहस गर्नुभएका वरिष्ठ अधिवक्ता कृष्णप्रसाद भण्डारीलाई ‘बाजे वकिल’ तथा बहसलाई 'तमासा' भनेको भन्दै प्रधानमन्त्री ओलीविरुद्ध अवहेलना मुद्दा दर्ता भएको थियो ।

गत माघ १५ गते न्यायाधीश मनोजकुमार शर्माको एकल इजलासले प्रधानमन्त्री र चार पूर्व प्रधान न्यायाधाीश तथा पूर्व सभामुख दमननाथ ढुंगानालाई आफैं उपस्थित भएर लिखित जवाफ पेस गर्न आदेश दिएको थियो । सोही आदेश अनुसार प्रधानमन्त्री ओली लिखित जवाफ लिएर आज अदालतमा हाजिर हुनुभएको हो । ओलीविरुद्ध वरिष्ठ अधिवक्ता कुमार शर्मा आचार्य र अधिवक्ता कञ्चनकृष्ण न्यौपानेले छुट्टाछुट्टै अवहेलना मुद्दा दर्ता गराउनुभएको थियो ।

प्रकाशित मिति: बिहीबार, फागुन ६, २०७७ १२:४६

प्रतिक्रिया दिनुहोस्