आज फागुन ७, प्रजातन्त्र दिवस मनाइंँदै

समाचार

गृहपृष्ठ
समाचार
आज फागुन ७, प्रजातन्त्र दिवस मनाइंँदै

आज फागुन ७, प्रजातन्त्र दिवस मनाइंँदै

शुक्रबार, फागुन ७, २०७७ बागेश्वरी पोस्ट

नेपालगन्ज । नेपालमा आज ७१ औं प्रजातन्त्र दिवस विभिन्न कार्यक्रम गरी मनाइँदैछ ।

विक्रम संवत् २००७ सालको क्रान्ति सफल भएर १०४ वर्ष लामो निरंकुश राणा शासन अन्त्य भई प्रजातन्त्र स्थापना भएको सम्झनामा हरेक वर्ष फागुन ७ गते प्रजातन्त्र दिवस मनाइन्छ । राज्यशक्तिको स्रोत जनता मात्र हुन् र मुलुकको सार्वभौमसत्ता जनतामा निहित हुनुपर्छ भन्ने मान्यतालाई जनताको संघर्ष तथा वीरवीरांगना शहीदको बलिदानबाट स्थापित गरेको हुनाले आजको दिन नेपालको इतिहासमा गौरवपूर्ण र अविस्मरणीय मानिन्छ ।

प्रजातन्त्रकै जगमा लोकतन्त्र हुँदै मुलुकमा अहिले संघीय लोकतान्त्रिक गणतन्त्रात्मक शासन व्यवस्था स्थापना भएको छ । दिवसको अवसरमा राष्ट्रपति, उपराष्ट्रपति, प्रधानमन्त्री, सभामुख लगायतले सबै नेपालीहरुमा शुभकामना दिनुभएको छ ।

प्रकाशित मिति: शुक्रबार, फागुन ७, २०७७ ०८:११

प्रतिक्रिया दिनुहोस्