प्रतिनिधि सभाका सांसदहरूले पुस ६ यताको तलब एकमुष्ट पाउने

राजनीति

गृहपृष्ठ
राजनीति
प्रतिनिधि सभाका सांसदहरूले पुस ६ यताको तलब एकमुष्ट पाउने

प्रतिनिधि सभाका सांसदहरूले पुस ६ यताको तलब एकमुष्ट पाउने

बिहीबार, फागुन १३, २०७७ बागेश्वरी पोस्ट

नेपालगन्ज । प्रतिनिधि सभाका सांसदहरूले पुस यताको तलब एकमुष्ट पाउने भएका छन् । सर्वोच्च अदालतले प्रतिनिधि सभा विघटन बदर गरिदिएपछि उनीहरूले संसद नचलेको अवधिको पनि तलब पाउने भएका हुन् ।

सर्वोच्च अदालतले प्रतिनिधि सभा विघटन असंवैधानकि भएकाले त्यतिबेलादेखि नै कानुनी प्रभाव शून्य रहने गरी बदर गरिदिएको छ। पुस ५ गते प्रतिनिधि सभा विघटन भएपछि सांसदहरुले पुसको ५ दिनको मात्र तलब पाएका थिए ।

संसद सचिवालयका प्रवक्ता रोजनाथ पाण्डेले पुसको बाँकी अवधिको र माघ तथा फागुनको तलब सांसदहरूको खातामा जम्मा हुने बताए ।

सांसदहरूको तलब मासिक ५५ हजार २ सय ३० रुपैयाँ छ। प्रमुख प्रतिपक्षी दलका नेता, समितिका सभापति र दलका सचेतक लगायतको केही बढी छ। यो अवधिमा बैठक बसेको भए उनीहरूले बैठक भत्ता र यातायात सुविधा पाउने थिए ।

राष्ट्रिय सभाका सांसदहरुले भने नियमित तलब पाउँदै आएका छन् ।

प्रकाशित मिति: बिहीबार, फागुन १३, २०७७ १६:४२

प्रतिक्रिया दिनुहोस्