सत्तासमीकरणका लागि हतारिएर निर्णयमा पुग्न आवश्यक नरहेको कांग्रेसको निष्कर्ष

राजनीति

गृहपृष्ठ
राजनीति
सत्तासमीकरणका लागि हतारिएर निर्णयमा पुग्न आवश्यक नरहेको कांग्रेसको निष्कर्ष

सत्तासमीकरणका लागि हतारिएर निर्णयमा पुग्न आवश्यक नरहेको कांग्रेसको निष्कर्ष

बिहीबार, फागुन १३, २०७७ बागेश्वरी पोस्ट

कांग्रेस मुख्यालय

नेपालगन्ज । नेपाली कांग्रेसको पदाधिकारी बैठकले सरकार ढल्ने वा बन्ने विषयमा परिस्थिति परिपक्व नबनेको निष्कर्ष निकालेको छ। आज बिहीबार सभापति शेरबहादुर देउवा निवास बुढानिलकण्ठमा बसेको कांग्रेस पदाधिकारी बैठकले प्रतिनिधिसभा पुनःस्थापनापछि भावी सत्तासमीकरणका लागि महत्वपूर्ण मानिएकोे बैठकले यस्तो निष्कर्ष निकालेको हो।

नेकपा कानूनीरुपमा नफुटिसकेकाले अहिले नै हतारिएर निर्णयमा पुग्न आवश्यक नरहेको निष्कर्ष निकालेको हो। नेकपा एकै पार्टी रहेको र संसदीय दलको नेता केपी ओली नै रहेको अवस्थामा कुनै समूहलाई समर्थन गर्न हतारिन नहुने कांग्रेसको निष्कर्ष छ। ‘नेकपा एकै छ। ओली नै संसदीय दलको नेता छन्। नेकपा एकै रहन्छ वा दुईवटा हुन्छ। त्यो हाम्रो नियन्त्रणको कुरा होइन,’ बैठकपछि सञ्चारकर्मीसँग कुरा गर्दै सहमहामन्त्री प्रकाशशरण महतले भने, ‘संसद् बैठक सुरु होस्, जसरी परिस्थिति अघि बढ्छ। त्यही बेला हामी निर्णय गर्छौँ।’

महतका अनुसार सभापति देउवासहितका सबै पदाधिकारी हतारमा अपरिपक्व निर्णय लिन नहुनेमा एक छन्। परिस्थितिको मूल्यांक गरेर मात्रै निर्णय लिनुपर्ने बैठकको निष्कर्ष छ।

प्रचण्ड–माधव समूहको तर्फबाट सरकारको नेतृत्व गर्ने प्रस्तावबारे स्वीकार नगरे पनि महतले अस्वीकार पनि गरेका छैनन्। ‘बदलिँदो राजनीतिक परिस्थितिमा छलफल कुरा भइरहन्छ, के के प्रस्ताव आउँछ,’ उनले भने,‘तर, यसो गर्ने उसो गर्ने भन्नसक्ने परिपक्व स्थिति आइसकेको छैन।’

प्रकाशित मिति: बिहीबार, फागुन १३, २०७७ १९:१०

प्रतिक्रिया दिनुहोस्