सरकार र विप्लब समूह बीचको पहिलो चरणको वार्ता सकारात्मक

राजनीति

गृहपृष्ठ
राजनीति
सरकार र विप्लब समूह बीचको पहिलो चरणको वार्ता सकारात्मक

सरकार र विप्लब समूह बीचको पहिलो चरणको वार्ता सकारात्मक

बुधबार, फागुन १९, २०७७ बागेश्वरी पोस्ट

काठमाण्डौ । सरकार र नेपाल कम्युनिष्ट पार्टी (विप्लब समूह) बीचको पहिलो चरणको वार्ता सकारात्मक भएको छ । दुवै पक्षबीचको वार्ता सकारात्मक भएको वार्तामा सहभागी सरकारी वार्ता समितिका सदस्य प्रधानमन्त्रीका परराष्ट्र सल्लाहकार डा. राजन भट्टराईले बताउनुभयो ।

सरकारका तर्फबाट वार्तामा गृहमन्त्री रामबहादुर थापा बादल र भट्टराई सहभागी हुनुभएको थियो । विप्लब समूहबाट खड्ग बहादुर विश्वकर्मा 'प्रकाण्ड' र उदय चलाउने 'दिपक' सहभागी हुनुहुन्थ्यो । सरकार र विप्लब समूहले वार्ता समिति नै गठन गरेर औपचारिक रुपमा वार्ता सुरु गरेका हुन् । प्रधानमन्त्री निवास बालुवाटारमा आज उच्च सुरक्षा सतर्कतासहित वार्ता भएको थियो ।

विप्लव समूहले आफूहरुमाथि लगाइएको प्रतिबन्ध फुकुवा गर्नुपर्ने सर्त अघि सारेको छ । त्यस्तै पक्राउ परेका नेता कार्यकर्ताको रिहार्इ र उनीहरुमाथि लगाइएको मुद्दा फिर्ता गर्नुपर्ने माग गरेको बताइएको छ ।

प्रकाशित मिति: बुधबार, फागुन १९, २०७७ १४:००

प्रतिक्रिया दिनुहोस्