निशु जोशीको फोटो सर्वोत्कृष्ट

समाचार

गृहपृष्ठ
समाचार
निशु जोशीको फोटो सर्वोत्कृष्ट

निशु जोशीको फोटो सर्वोत्कृष्ट

बुधबार, फागुन १९, २०७७ बागेश्वरी पोस्ट

नेपालगन्ज । अन्तरालले आयोजना गरेको दोस्रो नेपालगन्ज फोटो फेस्टिवलमा पत्रकार निशु जोशीको फोटो सर्वोत्कृष्ट भएको छ । जोशीको बर्दिया र कैलालीको बीचमा रहेको संकटीघाटमा स्टिमर चढ्न लाइनबद्ध रहेको फोटो सर्वोत्कृष्ट भएको हो । फोटो सर्वोत्कृष्ट भएसंगै जोशीले नगद २५ हजार हात पार्नुभएको छ । त्यसैगरी विधागत उत्कृष्टतर्फ समाचार फोटोमा पत्रकार रामु ओली, खेलकुदमा पत्रकार विक्रम बुढा क्षेत्री, नेपाल स्माइलमा अमित रावल, वन्यजन्तु र प्रकृतिमा रोमिन चौधरी, दैनिक जनजीवनमा मैत्या घर्तीमगर र संस्कृति तथा पर्यटन विधामा बराम बुढाको फोटो उत्कृष्ट भएको अन्तरालका प्रमुख कार्यकारी जयनारायण शाहले जानकारी दिनुभयो । उत्कृृष्ट फोटोलाई जनही पाँच हजारको पुरस्कार रहेको थियो । फोटोे पत्रकार क्लबका अध्यक्ष विकास कार्की र स्नेहा केसी फोटो प्रतियोगिताको निर्णायक हुनुहुन्थ्यो । विजेतालाई नेपालगन्ज उपमहानगरपालिका मेयर डा.धवल शम्शेर राणा, उपमेयर उमा थापा मगर, डा. कुमारसान शाह, डा.राहुल थापा, कांग्रेस नेता सुधांशु कोइराला, राप्रपा नेता ऋषिराज देवकोटा, आशिर्वाद पेन्ट्सका किरण कार्की लगायतले पुरस्कार र प्रमाणपत्र वितरण गर्नुभएको थियो ।

प्रकाशित मिति: बुधबार, फागुन १९, २०७७ २२:१५

प्रतिक्रिया दिनुहोस्